+5 °С
Болытлы
VKOKTelegramБөек Җиңүгә - 80 ел
Барлык яңалыклар
10
Шәхес
13 март , 18:10

Софья Гобәйдуллина вафат

Бүген татарның мәшһүр композиторы Софья Гобәйдуллинаның йөрәге тибүдән туктады.

Софья Гобәйдуллина вафат
Софья Гобәйдуллина вафат
Ул Германиянең Аппен шәһәрендәге өендә вафат булган. "Үлеме сәбәбе - кискен йөрәк өянәге", - дип билгели SHOT Telegram-каналы.

София Гобәйдуллина 1931 елның 24 октябрендә Чистайда туа. Бер елдан соң аның гаиләсе Казанга күченә. Композитор Казан һәм Мәскәү консерваторияләрен тәмамлый. Студент елларында аның музыкасын «традицион кануннарга туры килми торган» дип бәяләгәннәр, әмма аны Дмитрий Шостакович хуплаган. «Мин сезгә үзегезнең "дөрес булмаган" юлыгыз белән баруыгызны телим", - дигән ул.

София Гобәйдуллина - йөздән артык симфоник әсәр, солистлар, хор һәм оркестр, инструменталь ансамбльләр өчен әсәрләр, театр, кино һәм мультфильмнар өчен музыка авторы. РСФСРның атказанган сәнгать эшлеклесе, Казанның шәрәфле шәхесе.

Өч ел элек Гобәйдуллина «Грэмми» номинантлары исемлегенә кергән иде: аның «Гнев божий» әсәре «Иң яхшы заманча классик композиция» категориясендә номинацияләнде.

Фото: мк.ру

 

Автор:Резеда Галикәева
Читайте нас: