Рөстәм таулар яулый - Эверстка күп калмаган

2015 елда Омскида казарма ишелү вакытында аякларын югалткан, ике миллионлы аудиторияле танылган блогер Рөстәм Нәбиев 6476 метр биеклектәге Мера Пик тавын буйсындырган. Шулай ук Непалда урнашкан бу түбәгә Рөстәм дөньяның иң югары ноктасына — Эверест тавына менәр алдыннан акклиматизация кысаларында менгән.

- Зур юлда кечкенә җиңү. Акклиматизация уздык, алга таба - Эверест, - дип язган үз социаль челтәрләрендә блогер, шулай ук үзенең кулларында чираттагы түбәгә менүе турында видео белән уртаклашкан.

Рөстәмнең хатыны Индира Нәбиева язылучыларның сорауларына җавап биргән. Аның сүзләренчә, ул социаль челтәрләрдә ире өчен борчылулары белән сирәк уртаклаша, әмма шуңа да карамастан ул аның өчен бик борчыла.

- Мин Аллаһка ялбарам, Аңа ышанам. Аллаһы Тәгаләдән ярдәм сорыйм: юл ачык, ә тау түбәләре аңа карата игелекле булсын. Рөстәм кулында бара, ә бу бик зур эш. Мин аның карары белән горурланам. Бу аның карары, ә мин аның тормыш юлдашы. Мин бу күтәрелүгә каршы түгел идем. Бәлки, блогта мин һәрвакыт үз кичерешләремне күрсәтмимдер, тик мин сезнең күбегез кебек гади хатын-кыз. Мин дә үз ирем өчен борчылам. Таулар - Рөстәмнең стихиясе. Анда ул чын-чынлап тынлыкта, үзе белән әңгәмәдә. Ә без монда — ышаныч, мәхәббәт һәм горурлык белән аны көтәбез, - дип язган Индира.

Исән-сау кайт, Рөстәм!

Фото: социаль челтәрдән.