Җылы куллы Гөлчәчәк

— Бу дөньяда адәм баласы күрү, сөйләшү һәм үзаллы хәрә­кәт итүдән мәхрүм булса да, алар­ның җаны тулы моң, кү­ңе­ле тулы илһам булырга мөм­кин. Инвалидлар арасында җыр­­чы­лар, матур итеп рәсем төше­рү­челәр, биюгә маһирлар, кул эше осталары бик күп. Алар­ның иҗатына, бер-берсе белән ара­лашуына, күңел ачуларына шартлар тудыру — без­нең изге бурычыбыз, — ди җитәкче.
Әйе, Уфаның Кустарная урамында урнашкан Инвалидлар иҗат йорты Гөлчәчәк Зарипова кебек эшлекле җитәкчене торгынлык елларыннан торып калган иске җиһазлар, уңып-ту­зып, таушалган сәхнә чар­шау­ла­­­ры, тутыгып беткән гөл са­­­выт­­лары белән каршы ала. Иҗтиһатлы җитәкче мәдәният йортын ремонтлау, яңадан җи­һаз­лау эшенә җиң сызганып тотына. Иң башта фойедагы гөл савытлары алыштырыла, матур итеп стендлар ясатыла, коридорларга, кабинетларга косметик ремонт үткәрелә, тәрәзәләр алыштырыла, сукырлар хәрәкә­те өчен коридорлар махсус җиһазландырыла, сәхнәгә инвалидлар коляскасы белән менү урыны ясала. Элек биредә нибары бер компьютер булса, хәзер спонсорлар ярдәмендә бөтен белгечләр дә оргтехника белән тәэмин ителгән.
“Кыргый капитализм” дип аталган безнең чорда, әлбәттә, җитәкче югарыдан фианслауны гына көтеп ятмый. Бирәм дигән колына чыгарып куйган юлына, диләрме әле? Булдырам дигән җитәкче хәйриячеләрен дә та­ба, җиһазларын да кайтарта. 350 урынлык тамаша залында филармониядән китертелгән югары сыйфатлы бәрхет утыргычлар ялт итеп тора хәзер.
— Шушы утыргычларга лаек чаршаулар да эләргә иде, — ди канәгать елмаеп, булдыклы директор.
— Бу кадәр эшлеклелек каян килә? Җитәкчелек тәҗри­бәгез күптәннәнме?
— Мин — дипломым буенча икътисадчы, — ди ул. — Мәс­кәүдә Н. М. Шверник исемен­дәге Профсоюз хәрәкәте югары мәктәбен отличие белән тәмам-лагач, хезмәт юлымны Башкорт­­­­стан дәүләт те­лера-­диокомпаниясендә бух­гал­тер булып башладым. Кияүгә чы-гып, Туймазы якларына китәргә туры килде. Туган коллективымнан аерыласы килмәү мине төбәк тележурналисты итте дә куйды, 12 ел буе республи­каның көнбатыш төбәге корпунктын җитәкләдем. 2004-2010 елларда Туймазы районы хакимиятендә мәдәният бүлеге башлыгы булып эшләдем. Икътисадчы булуым җитәкчелек эшендә нык ярдәм итте, чөнки һәр мәсьәлә акчага барып те­рәлә. Аларны дөрес һәм бәрә­кәтле файдаланганда гына мак­сатка ирешеп була. Мәдә-ният бүлеген җитәкләгән чорда 40 авыл клубына ремонт ясатырга туры килде.
Ә Инвалидлар иҗат йорты — мин моңарчы белмәгән үзе бер гаҗәеп дөнья. Иҗат — алар өчен тормыш мәгънәсе. Ә безнең бурычыбыз — аларның тормышын тулы мәгънәле итү, иҗатларына канат кую, рухи реабилитацияләү. Бездә, бию һәм хор, вокал һәм драма тү­гә­рәкләреннән тыш, тынлы оркестр, урыс драма түгәрәге, сәнгатьле сүз, вокаль-инструменталь ансамбль, “Күңел кү­зе” дигән башкорт халык теат­ры, музыка студиясе, балалар хоры эшли. Элек биредә начар күрүчеләр генә шөгы­льләнсә, хәзер һәр-төрле инвалид балалар һәм өлкәннәр, коляскада гына хәрәкәт итү­челәр дә килә.
Җитәкче сөйләвенә караганда, Инвалидлар мәдәният йортында кызыклы шәхесләр белән очрашулар, спорт бәй-рәмнәре, республика фести-вальләре үткәрелә. Биредә елы­на 40тан артык чара уздырыла. Без, мәсәлән, Балалар фонды белән берлектә оештырылган һәм 300 бала катнашкан бәйрәм тантанасында бул­дык.
Былтыр бу мәдәният йорты 40 еллыгын билгеләгән. Быел начар күрүче инвалидлар арасында беренче тапкыр “Халык күңеле - 2014” Бөтенрусия фестивале узган. Анда Русиянең 17 төбәгеннән 150 кеше катнашкан. Уфалыларга да үз талантларын күрсәтү мөмкинлеге туган.
Бүген талантлы инвалидларны гадәти концерт-бәйге-ләрдә катнаштыру да көн үзә­гендә тора. Инвалидлар мә-дәният йорты шушы изге эшкә 50 ел гомерен багышлаган Рал Вәлиев, биредә 40 ел хезмәт куючы Светлана Вәлиева, 30 ел эшләгән Гүзәл Вәлиуллина, күп еллар халык театры режиссеры булып эшләүче Винир Ахунов кебек фидакарьләре белән чиксез горур.
— Мөмкинлекләре чикле кеше-ләр — үзе бер гаҗәеп дө­нья, — ди Гөлчәчәк Зарипова. — Алар — язмыш сынаулары­на баш бирмәүче, күңел бай­лык­ларын башкаларга да өләшергә әзер торучы, бәхетне үзләре тудыручылар. Алар­ны аңларга, юл ачарга, ярдәм итәргә генә кирәк.
Дөньяның ачысын-төчесен татыган, зур хезмәт тәҗрибә-сен туплаган, эшлекле, бер үк вакытта шигъри җанлы Гөл-чәчәк Габделхак кызы кебек җитәкчене язмыш табигать тарафыннан кыерсытылган инвалидлар белән очраштырган икән, димәк, монда тирән хик-мәт ята. Ходай үксезләрне, яр-дәмгә мохтаҗларны һәрвакыт фәкать аның кебек киң күңелле, җылы куллы кешеләргә генә тапшырсын иде. Изге эшләре-гез саваплы булсын, Гөлчәчәк ханым!