Барлык яңалыклар
Социаль өлкә
21 гыйнвар 2015, 01:18

Сабыйлар туып торсын

Башкортстанда узган елның гыйнвар-ноябрендә 55174 сабый туган — бу 2013 елның шул чоры белән чагыштырганда 1,5 процентка күбрәк. Шушы вакыт эчендә 48713 кеше үлгән. Шулай итеп, республикада халыкның табигый артуы 6461 кеше тәшкил итә.

Республикада туучылар саны үлүчеләрдән 13,3 процентка күбрәк. 2013 елның гыйнвар-ноябрендә бу сан 10,9 процент булган. Гомумрусия күрсәткече — 2,1 процент.
Русиянең 44 субъектында, шул исәптән Идел буе федераль округының 7 субъектында халыкның табигый артуы күзәтелгән. Округта Татарстан (8860 кеше), Башкортстан (6461) һәм Удмурт Республикасы (2394) лидерлар исәбендә.