Көрәшү генә аз, сугыш ачарга кирәк!

Наркомания белән бәйле хәл һаман да кискен кала.Бу тормышта безне төрле хәвефләр һәм ымсындыргыч нәрсәләр сагалап тора. Шуларның иң куркынычы һәм үлемечлесе — наркомания. Ул Русия хәвефсезлегенә янаучы бәла дә, кешенең үзенә, киләчәгенә каршы җинаять тә. Дөньяда наркомания таралуына каршы көрәшнең 100 елдан артык тарихы бар.

Наркомания — Җир шарының барлык илләренә йоккан мәкерле чир. Кешелек аңа каршы көрәштә нәтиҗәле ысуллар табарга тырыша. Белгечләр бу җәһәттән профилактика чараларының әһәмиятле роль уйнавын билгели. Үсеп килүче буынга наркотикларның адәм баласын фикерләү сәләтеннән мәхрүм итүен, гаиләләрне җимерүен, кешелеккә куркыныч янавын вакытында аңлатырга кирәк.
26 июньдә дөнья җәмәгатьчелеге Халыкара наркоманиягә һәм наркотикларның законсыз әйләнешенә каршы көрәш көнен билгеләде. Шул уңайдан Наркотиклар әйләнешенә контрольлек итү федераль хезмәтенең Башкортстан буенча идарәсе җитәкчесе Александр Митюков, Идарә каршындагы Иҗтимагый совет рәисе Данияр Абдрахманов, 1нче республика наркология диспансеры баш табибы урынбасары Илдар Гәрәев һәм башка белгечләр журналистлар белән очрашты.

Русиядә наркотик кулланучы 7 миллион 300 мең кеше исәпләнә, ел саен алар тарафыннан агу дозасы өчен акча табу максатында 340 мең җинаять эшләнә. 2005-14 елларда илдә 15-34 яшьлек наркоманнар арасында үлем очраклары 30 процентка кимегән.

Соңгы елларда Башкортстанда әлеге проблемага игътибар сизелерлек артты. Республика Башлыгы Рөстәм Хәмитов җитәкчелегендәге Наркотикларга каршы комиссия бу афәткә каршы көрәшүче төп орган булып тора. Хокук саклау органнары тарафыннан наркотикларның законсыз әйләнешенә каршы көрәш кыза бара. Биш ай эчендә наркоконтроль хезмәткәрләре 960 җинаять теркәгән, 914 җинаять эше кузгаткан, 282 кешегә карата судларга 210 эш озаткан. Законсыз әйләнештән 67 килограмм наркотик, шул исәптән 43 килограмм каннабис, 1 килограмм гашиш һәм 5 килограмм гашиш мае, 15 килограмм синтетик наркотик алынган.
Наркоконтрольдән тыш, бу афәткә каршы иҗтимагый оешмалар, дини берләшмәләр вәкилләре, волонтерлар көрәшә, алар җитди акцияләр үткәрә. Былтыр октябрьдә республика наркология даиспансеры нигезендә Наркотик средстволар һәм психотроп матдәләр кулланучыларны комплекслы тернәкләндерү буенча координацион үзәк ачылды. Ул дәүләт наркологиясенең һәм иҗтимагый оешмаларның үзара бәйләнешен тәэмин итәргә тиеш. Биредә, табиб караганнан һәм психологик тест үткәргәннән соң, наркоманның статусы һәм дәвалауның шәхси программасы билгеләнә. Әйткәндәй, наркотикларның дозасын арттырудан үлүчеләр саны елдан-ел кими. 2013 елда алар 97 булса, былтыр 33 үлем очрагы теркәлгән.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27