Түләү яңадан исәпләнәчәк

Компенсация алу һәм ташламалардан файдалану кагыйдәләре үзгәрде.Балалар бакчасына йөрүче сабыйлар нурлы кояш елмаюыннан иркәләнеп, “Яз килә!” дип сөенгәндә, ата-аналарны бу яз зур борчуга салды. Мартта балалар бакчасына түләүнең кинәт артуы һәм ташламалар туктатылуы зур шау-шу тудырды.

Уфалы Әминә Иванова ташламаларны кайтаруны таләп итеп, республика Башлыгы хакимиятенә петиция әзерләде. Хаклар артуга ризасызлык белдереп, ике меңнән артык әти-әни аңа кул куйды.

Анда белдерелүенчә, 1 мартта барлык субсидияләр туктатылгач, беренче һәм икенче балага да аена 2772 сум түләргә кирәк булачак. Ике бала өчен бу 5544 сум тәшкил итәчәк. Гаилә бюджетының шактый өлеше шуңа китәчәк, димәк. Моннан тыш, баланы тәмле итеп ашатасы, киендерәсе, төрле түгәрәкләргә дә йөртәсе килә бит әле. Күпчелек ата-аналар фикеренчә, бу кадәр акча түләргә тиеш булган очракта, алар кечкенәләрне бакчага йөртмәячәк. Болай итү, әлбәттә, беркем өчен файдага түгел. Балалар бакчага йөрергә, сәләтен үстерергә, җәмгыять эчендә ныгып, чыныгып үсәргә, тәрбияләнергә тиеш.

Компенсация алу хокукына кемнәр дәгъва итә ала? Шартлары нинди? Кая мөрәҗәгать итәргә? Бүген күп ата-аналарны шундый сораулар борчый.

Алдагы ике айда мәктәпкәчә балаларның ата-аналарына бакча өчен түләү яңадан исәпләнәчәк, дип белдерделәр республиканың Мәгариф министрлыгында. Башка айлар белән чагыштырганда, түләү турындагы март квитанциясендә, чыннан да, 1,5 тапкырга артык хак тора иде. Бу аерманы шәһәрдә яшәүчеләр ныграк тойды.

Мәгариф министрлыгында аңлатуларынча, түләүнең туктатылып торуы 1 мартта “Мәгариф турында” Законның тиешле статьясына үзгәрешләрнең үз көченә керүе белән бәйле. Әмма аны бирү тәртибен көйләүче карар әлегә хокукый экспертиза үтә һәм озакламый аңа кул куелачак.

Яңа кагыйдәләргә ярашлы, компенсациягә ата-аналарның берсе генә дәгъва итә алачак. Шул ук вакытта гаилә кереме һәркемгә яшәү минимумының бер ярым күләменнән артмаска тиеш. Шушы шартка туры килгәннәрнең барысына да түләү яңадан исәпләнәчәк. Белешмә өчен: бүген республикада яшәү минимумы 8323 сум тәшкил итә. Димәк, һәр гаилә әгъзасына керемнәре 12 485 сумнан күбрәк булмаган гаиләләр компенсациягә дәгъва итә ала. Ташлама бирү тәртибе элеккечә кала: тәүге бала өчен – 20 процент, икенчесенә – 50, өченчесенә – 70 процент ташлама каралган.

Элек бөтен гаиләләр дә компенсация алу хокукына ия иде. 2017 елның 1 гыйнварына кадәр, компенсация алуга ата-аналар тапшырган документларга өстәп, баланың гаиләсендә кеше башына уртача керемнең яшәү минимумының бер ярым күләменнән артмавы турында белешмә дә тапшырырга кирәк.

Белешмәне карарга кул куелган көннән алып, бала йөргән мәктәпкәчә учреждение урнашкан Халыкка социаль ярдәм күрсәтү үзәге филиалында (бүлегендә) яки гариза язучының яшәгән (теркәлгән) урыны буенча алырга була.

Ата-аналарның белешмәне тапшыру вакыты бу елның 1 маена кадәр озайтылган.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27