+20 °С
Болытлы
Социаль өлкә
20 октябрь 2019, 12:59
Андрей Назаров балалар бакчалары төзелеше темпларын тизләтергә кушты
20 октябрьдә Башкортстан Хөкүмәте Премьер-министры урынбасары вазыйфасын башкаручы Андрей Назаров Уфа шәһәрендә һәм Уфа районнарында социаль объектлар төзелеше барышын тикшерде.
20 октябрьдә Башкортстан Хөкүмәте Премьер-министры урынбасары вазыйфасын башкаручы Андрей Назаров Уфа шәһәрендә һәм Уфа районнарында социаль объектлар төзелеше барышын тикшерде.
Дим районында "Дим-6" микрорайонында балалар бакчасы төзелеше бик артта калып бара. Объект 2019 елда тапшырылырга тиеш, әмма төзүчеләр хәзер генә бинаның икенче катын төзи башлаган, шулай ук электр үткәрүгә, тәрәзә һәм витражлар урнаштыруга керештеләр. Андрей Назаров балалар бакчасы төзелеше темпларын тизләтүне таләп итте һәм бинаны тапшыру вакыты буенча төзелеш тармагы җитәкчеләре тарафыннан шәхси җаваплылыкны билгеләде.
Тагын бер объектта — Уфа районының Зубово авылында, дәүләт контракты сроклары нигезендә, эш барышын тизләтергә һәм 260 урынга исәпләнгән балалар бакчасы төзелешен тәмамларга кушылды.
Андрей Назаров Уфа районы Чесноковка авылында социаль объект төзелеше барышын тикшерде. Биредә 640 укучыга исәпләнгән мәктәп һәм 160 урынга исәпләнгән балалар бакчасы кызу темплар белән сафка баса. Мәктәп блогында китапханә, малайлар һәм кызлар өчен уку остаханәләре, медпункт, ашханә, азык-төлек блогы бүлмәләре, музыка, физкультура, гимнастика, актлар залы, уку сыйныфлары барлыкка киләчәк. Балалар бакчасы белән берләштерелгән мәктәпкә яңа җиһазлар урнаштыру һәм 2019 елның декабрендә вакытыннан алда тапшыру планлаштырыла.
