Башкортстанда "Бердәм Русия" волонтерлары 30 мең мохтаҗ гражданга ярдәм күрсәтәчәк

Волонтерлык үзәкләре эшчәнлегенә багышланган «Бердәм Русия»нең икенче социаль форумы узды.

Форумда «Бердәм Русия»нең төбәк бүлеге секретаренең беренче урынбасары, Дәүләт җыелышы-Корылтай рәисе Константин Толкачев, партиянең төбәк башкарма комитеты җитәкчесе Рөстәм Әхмәдинуров, вице-премьер, республиканың гаилә, хезмәт һәм халыкны социаль яклау министры Ленара Иванова һәм Башкортстанда «Безнең кайгырту» волонтерлык үзәге җитәкчесе Александр Толстых катнашты.

- «Безнең кайгырту» проекты кысаларында узган елның ноябрь-декабрь айларында партиянең төбәк башкарма комитеты Дәүләт җыелышы-Корылтай депутатлары белән берлектә үзизоляция вакытында аз керемле гражданнарга 1000нән артык түләүсез төшке ашны китерүне оештырды, - дип сөйләде Рөстәм Әхмәдинуров.

Быел «Кайгырту картасы» төбәк проекты кысаларында пандемия чорында авыр тормыш хәлендә калган кимендә 30 мең мохтаҗ гражданга ярдәм күрсәтү планлаштырыла.

- Безнең волонтерлык үзәге, беренче чиратта, пандемия чорында үз-үзеңне изоляцияләүдә булган кешеләргә ярдәм итү өчен булдырылды. Узган елның март аеннан башлап, иреклеләр бу эшкә актив кушылды. Безнең үзәк эшчәнлегенең төрле юнәлешләре бар: коронавирустан өйдә дәваланучы кешеләргә азык-төлек һәм дарулар китерү һәм башкалар, - дип уртаклашты Александр Толстых.

Шулай ук онлайн-форумда волонтерлык үзәкләренең ирекле ярдәмчеләрен мәҗбүри вакциналау буенча тәкъдимнәр әйтелде. Партия Рәисе Дмитрий Медведев активистларны беренче чиратта иммунлаштыру кирәклегенә басым ясады.

Ленара Иванова картларның шәхси йортларын лицензияләү турындагы тәкъдимнең мөһимлеген билгеләп үтте, аның белән Русиянең хезмәт һәм социаль яклау министры Антон Котяков чыгыш ясады.

- Өлкәннәр өчен йортларның санитар кагыйдәләр һәм нормативлар һәм лицензияү эше буенча таләпләрне дифференциацияләү зарур. Бу аерым контрольдә булачак. Без республика Хезмәт министрлыгы белән төрле критерийлар буенча өлкәннәр йортларына санитар кагыйдәләрне үтәү мәсьәләсен хәл итәчәкбез. Картлар өчен интернатлар даими яшәүчеләр саны буенча гына түгел, урнашу урыны белән дә аерылып тора, - диде Ленара Иванова.

Ленара Хәким кызы сүзләренә караганда, картларны карау һәм яшәү шартларын тәэмин итү белән шөгыльләнүче һәр оешма мөһим.