Пособие алу өчен бер гариза җитәчәк

2021 елның 1 ноябреннән киләсе елның 31 гыйнварына кадәр Бөре шәһәре һәм районы буенча Республика халыкка социаль ярдәм күрсәтү үзәге филиалы базасында балалар пособиеләрен унификацияләнгән гариза формасы буенча билгеләү буенча пилот проект старт ала. Проект Башкортстан халкының «Балага пособие бирү» Дәүләт социаль башлангычын гамәлгә кертү буенча Гаилә, хезмәт һәм социаль яклау министрлыгы эшләгән «юл картасын» тормышка ашыру кысаларында эшли башлаячак.

- Хәзерге вакытта Башкортстан Республикасының «Адреслы социаль ярдәм» системасында балалы гаиләләргә социаль ярдәм чараларын күрсәтүгә гаризаларны эшкәртү һәм тормышка ашыру буенча эш алып барыла, - ди министрның беренче урынбасары Юрий Мельников. - Шулай ук балалы гаиләләргә социаль ярдәм чаралары буенча «Онлайн-калькулятор» кертелә, бу пособиеләрне билгеләү өчен Дәүләт һәм муниципаль хезмәтләрнең бердәм порталы һәм дәүләт хезмәтләренең төбәк порталы аша гариза бирү мөмкинлеге бирәчәк.

Сүз гаризаның берьюлы берничә пособиене билгеләү өчен документлар пакеты белән унификацияләнгән рәвешен бирү турында бара. Болар: балага айлык пособие; күпбалалы гаиләләрнең аерым категорияләренә айлык пособие; бер үк вакытта ике һәм аннан күбрәк бала туган гаиләләргә айлык балалар пособиесе; студентлар һәм аспирантлар гаиләләренә махсус социаль пособиеләр; аз керемле гаиләләргә торак һәм коммуналь хезмәт күрсәтүләр өчен түләү чыгымнарын айлык акчалата компенсацияләү.

Фото: правительстворб.ру