Алар тормыштан читтә калырга тиеш түгел!

Анда тернәкләндерү һәм инклюзиянең иң яхшы тәҗрибәләре турында фикер алышачаклар.

Оештыручылар фикеренчә, проектның максатлары - мөмкинлекләре чикле өлкәннәр һәм балаларны социаль интеграцияләү, инвалидларны тәрбияләү һәм һөнәри үстерү, тернәкләндерү юнәлешендәге сәнәгать продукциясен җитештерүне үстерүгә ярдәм итү.

"Социаль интеграция, сәламәтлек мөмкинлекләре чикле кешеләрнең белем алуы һәм һөнәри үсеше хәзерге кешелекле җәмгыятьнең мөһим бурычларының берсе булып тора, шуңа күрә Башкортстанда инклюзив проектлар киң хуплана. Бүген республикада 250 меңнән артык инвалид яши. Аларга тормыш уңайлыклары булдыру өчен без төбәктә объектлардан һәм хезмәтләрдән һәркем файдалана алсын өчен чаралар күрәбез. Соңгы 5 елда әлеге максатларга 350 миллион сумнан артык акча юнәлтелгән. Дәүләт структуралары, хәйрия фондлары һәм төбәкнең иҗтимагый оешмалары системалы рәвештә сәламәтлекләре чикле кешеләргә ярдәм итүгә һәм аларның проблемаларына игътибарны җәлеп итүгә юнәлтелгән чаралар үткәрәләр. «Ломая барьеры» форумы яңа карарлар өчен яхшы фикер алышу урыны булачак», - дип билгеләп үтте Башкортстан Премьер-министры Андрей Назаров.

"Комплекслы реабилитация системасын үстерү - бик мөһим тема. Бүген төбәкләрдә тернәкләндерү техник чараларын җитештерүчеләр бар, бик перспективалы проектлар тормышка ашырыла. Без аларны хуплыйбыз, даими элемтәдә торабыз, реабилитация өлкәсендә нинди проблемалар, шул исәптән норматив характердагы проблемалар барлыгын билгелибез. «Ломая барьеры» форумында алар турында фикер алышып, чишелешләр тәкъдим итеп, шулай ук реабилитация чараларын җитештерүчеләргә ярдәм итүнең өстәмә чараларын уйларбыз дип өметләнәм», – диде Стратегик инициативалар агентлыгы җитәкчесе Светлана Чупшева.

Форум программасы белән Башкортстан Хөкүмәте сайтында танышырга мөмкин.