Депутат Наталья Орлова халыкны кабул итте

Депутатка Уфа һәм Нефтекамадан барлыгы 4 кеше мөрәҗәгать итте.

Сорауларның берсе инвалид бала өчен кыйммәтле дару алуга кагылды. Вәзгыятьне республиканың сәламәтлек саклау министры урынбасары Ирина Кононова аңлатты, ул соңгы айларда республикада таләп ителә торган даруны сатып алу белән бәйле хәлнең катлаулы булуын раслады. Әмма шушы көннәрдә препарат кайтарылуы һәм мөрәҗәгать итүче бала аны берничә айга алдан алачагы хакында хәбәр итте. Наталья Орлова шуңа охшаш авыру белән интегүче балаларның Башкортстанда дистәләрчә булуына игътибар итте.

Киләсе мөрәҗәгать итүче депутатка үз производствосының хәрби кирәк-ярак тәкъдим итү һәм эшчәнлеген киңәйтү өчен нинди ярдәм чараларына исәп тота алуын белү өчен Нефтекама шәһәреннән килгән. Наталья Орлова республика сәнәгать, энергетика һәм инновацияләр министры урынбасары Денис Гурков белән берлектә экипировка комплектын карады.

Шулай ук Яңа ел алдыннан депутат сәламәтлек мөмкинлекләре чикле балаларның әниләре белән аралашты. Хатын-кызларның берсе, гадәттәгечә, һәр елның гыйнварында уздырыла торган Аксаков чыршысына эләгү үтенече белән мөрәҗәгать итте. Наталья Орлова аның мөрәҗәгатенә җавап бирде һәм балаларны бәйрәм тамашасына һичшиксез чакырачаклар, дип вәгъдә итте.

Алга таба Дәүләт думасы депутаты Наталья Орлова балаларны якынлашып килүче бәйрәм белән котлады һәм аларга иң изге Яңа ел теләкләрен тормышка ашырырга ярдәм итте. Наталья Орлова традицион "Теләкләр чыршысы" акциясендә катнашты.

Башкортстанның Дәүләкән районыннан 13 яшьлек Иллиана Мәскәүгә барырга, Третьяков галереясен һәм Мәскәү зоопаркын күрергә хыялланган. Хәзер аның хыялы тормышка ашачак. Ә Уфадан 7 яшьлек Полина синтезаторда уйнарга өйрәнергә теләгән. Наталья Орлова аңа яңа уен коралы тапшырды. Уфа районыннан Илья хоккейны ярата һәм "Салават Юлаев" командасының барлык хоккейчыларын белә, үзе тимераякка басарга хыялланган. Хәзер, яңа хоккей экипировкасы алгач, бу мөмкин булачак. Уфа районыннан Андрей бүләккә LEGO конструкторы алды. 12 яшьлек Әскар йөзү, йөгерү һәм велоузышлар белән шөгыльләнә. Малай велоспорт дәресләрен кышын да дәвам итә алсын өчен Наталья Орлова аңа велотренажер бүләк итте.

Моннан тыш, депутат мобилизацияләнгәннәрнең балалары өчен Яңа ел тамашасында катнашты һәм аларга бүләкләр тапшырды.

Фото: социаль челтәрләрдән