Башкортстанда “Турникетларсыз атна” акциясе ничек үтте?

Башкортстанда бу чара ел саен апрельнең һәм октябрьнең өченче атналарында уздырыла. Акциянең көзге этабы чорында республика халкының мәшгульлек үзәкләре белгечләре барысы 361 чара оештырды һәм 6,7 мең кешене колачлады.

- “Турникетларсыз атна” акциясенең төп идеясе - катнашучыларга реаль һөнәри мохиткә чумарга һәм практикада төрле һөнәрләр белән танышырга, югары сыйныф укучыларының белемнәрен киңәйтергә һәм аларга булачак белгечлекне сайлауда үз мәнфәгатьләрен һәм өстенлекләрен билгеләргә ярдәм итәргә мөмкинлек бирү. Атна дәвамында укучылар төрле предприятиеләрдә булды, төрле тармакларда эшләүчеләр белән аралашты, “Профессия-җәмгыять” темасына презентацияләрдә, осталык дәресләрендә һәм һөнәри эшчәнлек симуляцияләрендә катнашты. Инновацион продуктлар булдыру процессын үз күзләре белән күрә алган югары технологияле предприятиеләргә бару яшьләрдә аеруча кызыксыну уятты. Өлкән сыйныф укучылары эш атмосферасын тоярга, үзләрен профессионаллар урынына куярга һәм барыннан да якынрак эшчәнлек өлкәсен аңларга уникаль мөмкинлек алды, - дип шәрехләде Башкортстан Республикасының гаилә, хезмәт һәм халыкны социаль яклау министры Ленара Иванова.

Фото: pravitelstvorb.ru