+22 °С
Болытлы
Барлык яңалыклар
Социаль өлкә
22 март , 09:30
Якын кешеңә хәстәрлек бүләк ит!
Махсус учреждениедә тәрбияләнүче әби-бабайлар өчен ихлас аралашу – иң зур шатлык.
Якын кешеңә хәстәрлек бүләк ит!
Максим Горький исемендәге токымчылык заводы үзәк усадьбасы авылындагы өлкән яшьтәге гражданнарны һәм инвалидларны стационар хезмәтләндерү бүлекчәсендә әлеге вакытта 28 кеше яши — 16 хатын-кыз һәм 12 ир-ат. Дүртесенең генә туганнары һәм якыннары юк. Аларны 10 хезмәткәр карый. Мондагы кешеләр турында көн саен хәстәрлек күрү, аларны игътибар белән чолгап алу өчен биредә эшләгәннәргә чиксез күңел җылысы, олы, изге йөрәк кирәк. Юкка гына биредә яшәүчеләр аларны “кызым”, “улым” дип йөртмиләр.
– Килгәнегез өчен рәхмәт! Безнең әбиләр һәм бабайларга аралашу – иң зур шатлык! – диде бүлекчә мөдире Оксана Андреева.
Бүлекчәдә гомер итүчеләр белән ике сәгать аралашу сизелми дә үтте. Һәр олы кешенең катлаулы язмышы турында сөйлисе, эчке кичерешләрен уртаклашасы килде. Бүлмәдән бүлмәгә йөреп, сөенечле дә, әрнүле дә хис-тойгылар кичердек.
Олы яшьтә булуларына, авыруларына карамастан, күпләре бу уртак йортта файдалы буласылары, үзләренең кирәклеген тоясы килә. Алар безгә шул хакта җиткерде. Мәсәлән, Антонида Николаевна Гыйбадуллина белән Нәҗибә Зиннур кызы Шәфыйкова гөлләр яраталар, аларны тәрбиялиләр. Анатолий Филимонович Иванов пима төпли. Бүлекчә тормышында бер-береңә ярдәм итү мөһим роль уйный. Ике һәм дүрт урынлы бүлмәләрдә яшәүчеләр, теләсә нинди гаиләдәге сыман, бер-берсенең холык-фигыленә күнегеп, өйрәнеп беткәннәр.
“Мин Хәсән исемле”
70 яшьлек Юныс Шәрип улы Хәсәнов бүлекчәдә өч ел яши. Монда килү белән: “Мине Хәсән дип йөртегез”, – дигән. Аны яратып: “Безнең Хәсән”, – дип йөртәләр дә. Бу ялгыз ир гомере буе Бәләбәй шәһәре оешмаларында йөк төяүче булып эшләгән. Бүген дә эшсез утыра алмый. Җәй көне бүлекчә хезмәткәрләренә яшелчә бакчасында түтәлләрне тәрбияләргә булыша, ишегалдын себереп куя, ә кышын иртән иртүк кар тазартырга чыга. Юныс Шәрип улы көн саен җыелып киткән чүп-чарны контейнер мәйданына илтә. Чисталык яраткан ир киемнәрен дә үзе юа икән.
Хәбәрчеләр алып килгән китаплар арасында детективлар да булуы сөендерде аны.
– Былтыр Юныс Шәрип улының күзенә операция ясадылар. Дәваханәдән кайткач аны эшләүдән, укудан тыеп торырга туры килде, – ди бүлекчә мөдире. – Хәсән ага – безнең волонтер. Ул барысына да теләп ярдәмләшә. Коляскада гына утырган бүлмәдәшен йөрергә алып чыга. Әйткәндәй, Юрий Иванович Смоленчук та, шундый хәлдә булса да, файда китерергә тырыша, пешекчеләр килүгә бәрәңге әрчеп куя, яшелчәләрне тазарта.
“Сергеевна, әйдә, җырлый башла!”
Валентина Сергеевна Порфирьева яшь чагында җырчы һәм биюче булган. Хәзер дә җырсыз тора алмый. Бүлекчәдә бөтен чаралар да аның катнашлыгында үтә. Ял бүлмәсенә җыелганда аңа еш кына: “Җырлый башла, Сергеевна!” – диләр.
Валентина Сергеевна озак еллар “Автонормаль” заводында эшләгән. Ире Геннадий Петрович та шунда хезмәт куйган, ул гел яраткан гармуны белән булган. Мәрхүм ирен искә алгач, олы яшьләрдәге хатынның күзләренә яшь тулды. Каты имгәнүдән соң ул үзен бирегә урнаштыруларын үтенгән. Хәзер көннәрен балаларының килеп китүләрен көтеп үткәрә.
Корчагинныкы шикелле!
Бүлекчәдә яшәүчеләр арасында урында ятучылар да бар. Александра Андреевна Корчагина берничә ел элек йөри алмый башлаган. Яшь чагында җитди авариягә тарыган. Табиблар, вакыты җиткәч аякларың хәрәкәтләнмәячәк дип, искәрткән.
– Килгәнегез өчен рәхмәт! Безнең әбиләр һәм бабайларга аралашу – иң зур шатлык! – диде бүлекчә мөдире Оксана Андреева.
Бүлекчәдә гомер итүчеләр белән ике сәгать аралашу сизелми дә үтте. Һәр олы кешенең катлаулы язмышы турында сөйлисе, эчке кичерешләрен уртаклашасы килде. Бүлмәдән бүлмәгә йөреп, сөенечле дә, әрнүле дә хис-тойгылар кичердек.
Олы яшьтә булуларына, авыруларына карамастан, күпләре бу уртак йортта файдалы буласылары, үзләренең кирәклеген тоясы килә. Алар безгә шул хакта җиткерде. Мәсәлән, Антонида Николаевна Гыйбадуллина белән Нәҗибә Зиннур кызы Шәфыйкова гөлләр яраталар, аларны тәрбиялиләр. Анатолий Филимонович Иванов пима төпли. Бүлекчә тормышында бер-береңә ярдәм итү мөһим роль уйный. Ике һәм дүрт урынлы бүлмәләрдә яшәүчеләр, теләсә нинди гаиләдәге сыман, бер-берсенең холык-фигыленә күнегеп, өйрәнеп беткәннәр.
“Мин Хәсән исемле”
70 яшьлек Юныс Шәрип улы Хәсәнов бүлекчәдә өч ел яши. Монда килү белән: “Мине Хәсән дип йөртегез”, – дигән. Аны яратып: “Безнең Хәсән”, – дип йөртәләр дә. Бу ялгыз ир гомере буе Бәләбәй шәһәре оешмаларында йөк төяүче булып эшләгән. Бүген дә эшсез утыра алмый. Җәй көне бүлекчә хезмәткәрләренә яшелчә бакчасында түтәлләрне тәрбияләргә булыша, ишегалдын себереп куя, ә кышын иртән иртүк кар тазартырга чыга. Юныс Шәрип улы көн саен җыелып киткән чүп-чарны контейнер мәйданына илтә. Чисталык яраткан ир киемнәрен дә үзе юа икән.
Хәбәрчеләр алып килгән китаплар арасында детективлар да булуы сөендерде аны.
– Былтыр Юныс Шәрип улының күзенә операция ясадылар. Дәваханәдән кайткач аны эшләүдән, укудан тыеп торырга туры килде, – ди бүлекчә мөдире. – Хәсән ага – безнең волонтер. Ул барысына да теләп ярдәмләшә. Коляскада гына утырган бүлмәдәшен йөрергә алып чыга. Әйткәндәй, Юрий Иванович Смоленчук та, шундый хәлдә булса да, файда китерергә тырыша, пешекчеләр килүгә бәрәңге әрчеп куя, яшелчәләрне тазарта.
“Сергеевна, әйдә, җырлый башла!”
Валентина Сергеевна Порфирьева яшь чагында җырчы һәм биюче булган. Хәзер дә җырсыз тора алмый. Бүлекчәдә бөтен чаралар да аның катнашлыгында үтә. Ял бүлмәсенә җыелганда аңа еш кына: “Җырлый башла, Сергеевна!” – диләр.
Валентина Сергеевна озак еллар “Автонормаль” заводында эшләгән. Ире Геннадий Петрович та шунда хезмәт куйган, ул гел яраткан гармуны белән булган. Мәрхүм ирен искә алгач, олы яшьләрдәге хатынның күзләренә яшь тулды. Каты имгәнүдән соң ул үзен бирегә урнаштыруларын үтенгән. Хәзер көннәрен балаларының килеп китүләрен көтеп үткәрә.
Корчагинныкы шикелле!
Бүлекчәдә яшәүчеләр арасында урында ятучылар да бар. Александра Андреевна Корчагина берничә ел элек йөри алмый башлаган. Яшь чагында җитди авариягә тарыган. Табиблар, вакыты җиткәч аякларың хәрәкәтләнмәячәк дип, искәрткән.
– Улымның вафатыннан соң бөтенләй начарландым. Минем Павлушам 40 яшендә кинәт мәрхүм булды. Аңарчы иремне соңгы юлга озаттым. Бөтенләй үземне карый алмый башлагач, Чиләбе өлкәсенең Троицк шәһәреннән Бәләбәйгә сеңлемә килдем. Әмма ул онкология белән авырый башлады, шуңа күрә мин монда. Кызым Башкортстанда яши, еш шалтырата, елына берничә тапкыр яныма килеп китә. Телефоннан оныкларым белән сөйләшеп торам, – дип сөйләде Александра Андреевна.
Бу 88 яшьлек хатынның ихтыяр көченә бүлекчә хезмәткәрләре дә соклана. Александра Корчагина алты ел инде түшәк өстендә, авырудан бармаклары кәкрәйгән. Әмма ветеран кулыннан энәләрен төшерми, оекбаш, һәм башка әйберләр бәйли.
– Мин Глуховская станциясендә үстем. Тимер юлчылар бригадасы составында ирем белән бөтен ил буйлап йөрдек. Салкын вагончыкларда торырга туры килде. Әмма безнең буын Бөек Ватан сугышы елларында кичергәннәр белән бу авырлыкларны чагыштырып булмый, – ди Александра Андреевна. – Әтине фронтка алдылар, әни дүрт бала белән торып калды. Бер елны ачлыктан ике бәләкәй сеңлем һәм энекәшем аның кулларында үлделәр. Әле булса исемдә, мин гел әнинең күлмәк итәгеннән тартып: “Әни, ипи бир!” – дип шыңшый идем. Авыр хезмәт көненнән соң әни авылдаш хатыннары белән фронтка озатырга йон оекбашлар, бияләйләр бәйли иде. Мин, бәләкәй генә кыз, сарык йонын сырганактан тазарта, җепне йомгакка урый идем.
Шәфкать туташы Людмила Мешкованы күрү белән әңгәмәдәшем елмая, шаян сүзләр куша башлады. Людмила Валерьевна урында ятучыларны карап кына тора, еш керә, кан басымын үлчи, дарулар бирә, укол ясый. Александра Андреевнаның кәефен күтәрергә тырыша, хәер, ул кызгануга мохтаҗ түгел, характеры Корчагинныкы сыман. Әйткәндәй, Николай Островскийның “Корыч ничек чыныкты” әсәренең чая герое хөрмәтенә улына Павел дип исем кушкан ул.
Шәфкать туташы белән сөйләшү аның эш бүлмәсендә дәвам итте.
– Мин иртә ятим калдым. Әбием үстерде, бәлки, шуңа күрәдер, карт кешеләргә аерым ихтирам белән карыйм, сабыр булырга тырышам. Бездә яшәүчеләр үзләрен кочаклаганны, кагылганны ярата, олы кеше сабый белән бер дип юкка гына әйтмиләр, – ди Людмила Валерьевна.
Өч ел элек монда килгәнче бу ягымлы ханым “Глуховская” шифаханәсендә һәм Бәләбәй районы дәваханәсендә эшләгән.
– Тәрбияләнүчеләребез гел игътибар үзәгендә. Аларның 18е – инвалид. Кирәк булганда, район дәваханәсеннән табиблар чакыртабыз. Ел саен диспансерлау үткәрәбез, – ди Людмила Мешкова. – Дарулар белән өстәмә тәэмин итү программасы буенча да дарулар алып кайтабыз. Югары Троицк психоневрология диспансерыннан да препаратлар бүләләр, безнең бүлекчә шуңа карый. Тәрбияләнүчеләребезне операциягә, дәвалануга барганда озатып йөрибез.
– Бу кешеләр безнең өчен якыннарга, тормышыбызның аерылгысыз бер өлешенә әйләнеп бетә. Әлбәттә, аларның кайберләре янына балалары, туганнары, оныклары килә. Ләкин еш кына гомерләре өзелгән соңгы минутларда яннарында нәкъ безнең хезмәткәрләр була, – ди Оксана Владимировна.
Халык атап йөрткәнчә, картлар йортында булганнан соң, күңелдән озак вакыт ямансулык китмәде. Килешерсез, хәтта иң яхшы социаль учреждение дә бервакытта да гаиләне, туган өй җылысын, балалар һәм оныклар яратуын алыштыра алмый. Анда яшәүчеләргә күңел көрлеге телибез.
Римма Солтанова.
Бәләбәй районы.
Римма Солтанова.
Бәләбәй районы.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27