Русиядә эшләүче пенсионерларны 1 августтан еллык страховка пенсияләрен яңадан исәпләү көтә. Бу хакта Дәүләт думасы депутаты Светлана Бессараб "РИА Новости"га хәбәр итте.
- Ел саен 1 августта эшләүче пенсионерларның пенсиясе индексацияләнә. Агымдагы елда да 1 августта узган елда эшләгән пенсионерларның пенсиясе индексланачак, – дип белдергән ул.
Светлана Бессараб асызыклап узуынча, түләүләрнең артуы эшләгән пенсия баллары нигезендә исәпләнәчәк. Әмма өстәмә күләме фактта тупланган коэффициентларга бәйсез рәвештә өч индивидуаль пенсия коэффициенты белән чикләнә.
Фото: Башинформ