-21 °С
Болытлы
Гәзиткә язылуVKOKTelegram
Барлык яңалыклар
Спорт
15 гыйнвар 2015, 21:57

Илешлеләр сәламәт тормышны сайлый. Ә сез?

Районда яше дә, карты да спорт белән бик теләп шөгыльләнә.Һәркем үзенә ошаган спорт төре белән шөгыльләнсен өчен биредә уңай шартлар тудырылган. Мәсәлән, Югары Яркәйдә генә дә өч урында шугалак, берьюлы ике балалар һәм яшүсмерләр спорт мәктәбе эшләп килә. Район халкы бигрәк ­тә бассейнлы һәм тренажер заллы 2нче балалар һәм яшүсмерләр спорт мәктәбенә күпләп йөри.— Соңгы елларда бас­сейнга йөрүчеләр саны күзгә күренеп артты. Бөтен нәрсә саннарда һәм чагыш­тыруларда ачык күренә бит. Узган елгы Яңа ел каникуллары чорында бассейнга 193 тапкыр йөзәргә килгән булсалар, быелның шушы ук чорында бу сан 629га җитте. Күрсәткечләрнең өч тапкырга артуы Илеш халкының сәламәт тормыш алып баруы турында сөйли. Бассейны­бызның бер генә минут та буш торганы юк. Бу безнең өчен аеруча шатлыклы күренеш, — ди шушы мәктәп директоры Азат Мифтахов.

Бассейнны илешлеләр генә түгел, якын-тирә районнарда яшәүчеләр дә үз итә. Ял көннәрендә бирегә күршедәге Кушнаренко, Чакмагыш, Бакалы, Дүртөйле районнарыннан ук киләләр. Алар арасында гаиләләре белән килүчеләр дә шактый.

Илешлеләр арасында да гаилә белән бассейнга йөрү­челәр бар. Югары Яркәйдән Хөснияровлар, Галимовлар, Хаҗиевлар шундыйлардан. Иң сокландырганы шул, бассейнга өлкән яшьтәгеләр, аеруча мәгариф ветераннары теләп йөри.
— Йөзүнең организм өчен файдасы бәяләп бетергесез зур. Ул иммунитетны да ныгыта, умыртка баганасындагы һәм аркадагы авыртуларны басарга да ярдәм итә, буыннар сызлавын да бетерә, кан басы­мын да җайлый, иң мөһиме — суда йөзгәндә тән дә, җан да рәхәтләнеп ял итә, — ди бассейнга иң актив йөрү­челәрнең берсе Галимә Галиева.
Читайте нас в