-21 °С
Болытлы
Гәзиткә язылуVKOKTikTokINSTAGRAM
Барлык яңалыклар
Спорт
6 Май 2015, 21:44

Лаеклы алмаш үсә

Тренер Раил Исламморатов моңа көчен кызганмый.Раил Исламморатов — төрле дәрәҗәдәге турнирларда җиңү яулаучы авыр атлетика белән шөгыльләнүче дистәлә­гән спортчы тәрбияләгән танылган тренер.

Аның үзен күреп, бу штанга күтәрүчедер, дип уйламассың. Раил Наил улы 60 килограммга кадәр авырлыктагылар арасында берничә тапкыр республика чемпионы булган һәм Русия турнирларында призлы урыннар яулаган. Дөнья күләмендә танылган штангачыбыз Владимир Богуславский белән бер залда тренер Рәшит Әхмәтов кул астында шөгыльләнеп, абруйлы спортчы дәрәҗәсенә җитте Раил. Ә бүген үзе булачак олим­пиячеләрне тәр­бияли. Шунысы игътибарга лаек, өметле тәрбияләнүчеләр арасында улы Динар да бар. Динар Башкортстан дәүләт аграр университетында икенче курста укый. Ул рес­пуб­ликаның иң өметле авыр атлетлары исәбендә. Күптән түгел Динар дөнья чемпионы Владимир Богуславский исе­мендәге призга үткәрелгән Әлшәй районы хакимияте турнирында 69 килограммга кадәр авырлык кате­гориясендә беренче урын алды. Ә бу турнир күпмедер дәрәҗәдә республика чемпионатына тиң, чөнки монда Башкортстан­ның иң көчле атлетлары катнаша.
Узган елда Сочи Олим­пиадасының утын кабул ит­кәндә Раил Исламморатов факел йөртүчеләр сафында булды. Бу очраклы түгел – республика үзенең иң булдыклы тренер­ларының берсе Раил Ислам­моратовның булачак олимпи­я­челәр үстерүенә шик­ләнми.

Сәүбән Таҗиев,
районның спорт музее директоры,
спорт ветераны.