Сәламәт яшьләр – ил киләчәге!

Аерым алганда, 6 майда район үзәгендә Бөек Җиңүнең 70 еллыгына багышланган җиңел атлетика эстафетасы һәм Советлар Союзы Геройлары Абдулла Әхмәтов белән Сафа Хәсәнов истәлегенә “Стәрлебаш чиш­мәләре” район гәзите призына йөгерү буенча бәйге үтте.
— Мондый эстафеталар районыбызда ярты гасырдан артык традиция рәвешендә уза. Бүгенгесе — илнең иң мөһим бәйрәме алдыннан узганы бигрәк тә әһәмиятле, — диде чараны ачканда хакимият башлыгының социаль мәсь­әләләр буенча урынбасары Альбина Суфьянова.
Эстафетада 11 мәктәп, 2 авыл биләмәсе, район үзә­генең 9 оешма һәм предприятиесе командалары катнашты. Нәти­җәдә, Стәрлебаш авылы­ның 2нче мәктәбе, Хәлекәй авыл Советы, 107нче һөнәр­челек училищесы, Балалар-үс­мерләр спорт мәктәбе ко­мандалары беренчелекне яулады. Җиңүчеләр кубок, медаль һәм грамоталар белән бүләкләнде.
Эстафетадан соң “Стәр­лебаш чишмәләре” гәзите призына бәйге башланды. Быел бу ярышта катнашучылар саны йөздән артты. Спортчылар үз­ләрен 1800 метр арага йөгерүдә сынады. 5-8 сыйныфта укучылар арасыннан бу дистанцияне Стәрлебаштан Милена Мәү­летова белән Бузаттан Илвир Низаметдинов беренче үтте. 9-11нче сыйныфлар арасында Стәрлебаш авылының 2нче мәктәбе укучылары Ми­ләүшә Кин­җәбаева белән Антон Макаров җиңүче булды. 35 яшькә кадәр ярышучылар арасында Первомайскийдан — Зөлфия Гыйльманова, Елем­бәттән — Альберт Латыйпов, 35 яшьтән өлкәнрәкләр арасында Стәр­лебаштан — Светлана Мөрә­сова белән Алексей Афанасьев беренчелекне алды. “Иң өлкән катнашучы” титулына Стәр­лебаш авылыннан Әмин Гатауллин лаек булды.