+1 °С
Болытлы
Гәзиткә язылуVKOKTelegramЯRus
Барлык яңалыклар
Спорт
10 март 2016, 02:00

Син бозда биеп кара!

“Уфа-Арена”да Халыкара хатын-кызлар көне уңаеннан бәйрәм оештырылды.Чарада тамашачыларга республика, ил күлә­мен­дәге ярышларда җиң­гән, призлы урыннар яулаган яшь фигуралы шуучыларның күрсәт­мә­ле чыгышлары тәкъдим ителде. Башкортстан Республикасының фигуралы шуу федерациясендә шөгыльләнүчеләр бозда үзләренең сәләтләрен күрсәтте. Бозга аларны яшь тренер Екатерина Лапаева алып чыкты.

– Балалар белән эшләве күңелле, – диде ул тәэссо­ратлары белән уртаклашып. – Чөнки 3-7 яшьтәге балалар эчкерсез һәм бай фантазияле булалар. Һәр күнекмә күтәренке рухта үтә. Максатым – балаларга кечкенәдән фи­гуралы шууга сөю тәрбияләү һәм күнекмә саен аларның осталыгын яхшырту. Моның өчен бөтен шартлар да бар. Балалар ярышларда, боздагы Яңа ел спектаклендә катнашты. Алар бүген дә сынатмады һәм тамашачыларны искиткеч биюләре белән сөендерде. Шушындый бәйрәмнәр мине дә, яшь спортчыларны да дәртләндерә. Балалары, оныклары белән горурланучы әти-әниләрне, картәни-карт­әтиләрне күрүе күңелле.

Әйткәндәй, Екатерина Ла­паева спорт белән кечкенәдән шөгыльләнә. Спорт бал биюләре, спорт гимнастикасы, акро­батика белән шөгыльләнгән. Язмышын фигуралы шуу белән бәйләгән. Бүген ул тәҗ­рибәсен, осталыгын балаларга өләшә.

“Уфа-Арена”га җыелган халыкны таң калдырган “йолдызчык”ларга уңышлар телик.
Читайте нас в