-18 °С
Болытлы
Барлык яңалыклар
Спорт
15 апрель 2017, 12:38
Татар хоккейчысы җиңү китерде!
Континенталь хоккей лигасында плей-офф ахырына якынлаша. Гагарин кубогы өчен “Металлург” (Магнитогорск) белән СКА (Санкт-Петербург) командалары көрәшә. Дүртенче матч Нева ярларында үтте. Бу юлы уңыш хуҗаларга елмайды.
Исәпне кунаклар ачты. Виктор Антипин 28нче секундта ук уңышка иреште. Гагарин кубогы плей-оффында иң тиз кертелгән шайба уенга дәрт өстәде. Хуҗалар каушап калмады. Татар егете Динар Хафизуллин исәпне тигезләде. Әйткәндәй, уенга да ул нокта куйды. Динар керткән шайба СКА командасына 3:2 исәбе белән җиңү китерде.
СКА "магнитка"ны өченче тапкыр җиңде. Санкт-Петербург вәкилләренә Гагарин кубогын яулау өчен бер тапкыр гына уңышка ирешәсе калды. Чираттагы матч иртәгә Магнитогорскида үтәчәк.
СКА "магнитка"ны өченче тапкыр җиңде. Санкт-Петербург вәкилләренә Гагарин кубогын яулау өчен бер тапкыр гына уңышка ирешәсе калды. Чираттагы матч иртәгә Магнитогорскида үтәчәк.
Новости партнеров