-19 °С
Болытлы
Гәзиткә язылуVKOKTikTokINSTAGRAM
Барлык яңалыклар
Спорт
30 июль 2021, 18:30

Адлан Амриев: «Көрәштән тыш, хәзер бер нәрсә турында да уйламыйбыз"

Башкортстан Республикасыннан грек-рим көрәше буенча дөнья беренчелегенә кандидатлар Адлан һәм Алан Амриевлар бүген Уфада күнекмәләргә керештеләр.

Адлан Амриев: «Көрәштән тыш, хәзер бер нәрсә турында да уйламыйбыз"


Спортчылар Алуштада база җыеннарыннан кайтты, анда киеренке эшләделәр. Йомгаклау җыены Уфада ике атна дәвамында узачак. Якын көннәрдә бертуган Амриевларның спарринг-партнерлары - грек-рим көрәше буенча Башкортстан Республикасы җыелма командасы әгъзалары булачак.
– Хәзерге вакытта конкрет алымнарга һәм техниканы эшкәртүгә юнәлтелгән өйрәнүләр уза, - дип сөйли грек-рим көрәше буенча Башкортстан Республикасы җыелма командасы тренеры Геннадий Сырцев. - Алуштада егетләр арыды, шуңа күрә хәзер без аларга көненә бер тренировка – 30-40 минутлык кыска вакыт бирәбез. 4 августтан Уфада Русия командасының җыеннары башлана, алар нәтиҗәләре буенча тренерлар штабы Спорт көрәше федерациясе президенты Михаил Мамиашвили белән берлектә үсмерләр арасында дөнья беренчелегенә йомгаклау составын билгеләячәк.
Булачак турнир турында үз фикерен ил җыелма командасына кандидат Адлан Амриев та уртаклашты.
- Көрәштән тыш хәзер бер нәрсә турында да уйламыйбыз. Ныклап шөгыльләнүне дәвам итәбез һәм тиздән үз формамның иң югары ноктасына ирешермен дип уйлыйм, - дип фикерләре белән уртаклашты грек-рим көрәше буенча Русия спорт мастеры Адлан Амриев.

Фото: Башинформ


Автор:Зөһрә Исламова