-13 °С
Болытлы
Гәзиткә язылуVKOKTikTokINSTAGRAM
Барлык яңалыклар
Спорт
3 август 2021, 17:40

"Уфа-Арена"да дөнья чемпионатына әзерлек башланды

Ун көннән соң Уфада Русиядә беренче тапкыр спорт көрәше буенча үсмерләр арасында дөнья чемпионаты старт ала. Бүген «Уфа-Арена» спорт комплексында көрәш чемпионатын уздыруга әзерлек башланды.

"Уфа-Арена"да дөнья чемпионатына әзерлек башланды

Якын көннәрдә аренада фасадларны бизәү эшләре алып барылачак, ә ярышлар башланганчы ук үлчәүләр, шулай ук көрәш келәмнәре урын алачак һәм судья җиһазлары урнаштырылачак.

Арена 11 августка тулысынча әзер булырга тиеш. Чемпионатка дөньяның 54 иленнән 1500дән артык спортчы киләчәк. Элегрәк, 2007 елда, Уфада билбау көрәше буенча дөнья чемпионаты узды. Сүз уңаеннан, үсмерләр арасында дөнья чемпионаты җиңүчеләре һәм призерлары өч елдан соң үз илләрен Олимпия уеннарында тәкъдим итү мөмкинлегенә ия. Һәм Уфа Париж-2024кә трамплин булырга мөмкин.

Фото: "Башинформ"

Автор:Фануз Хабибуллин