Уфа белән дөнья йөгерде!

Республика башкаласында үткән халыкара марафонда 4 мең кеше катнашты.

Башкортстан башкаласында җиденче тапкыр Уфа халыкара марафоны узды. Биш төрле дистанциягә стартка (2, 5, 10, 21,1 һәм 42,2 километрга) дүрт меңнән артык кеше чыкты.

Чарада 18 илдән, Русиянең 34 төбәгеннән, 229 шәһәрдән спортчылар катнашты. Алар шәһәрнең үзәк урамнары буйлап йөгерде. Ярышлар программасын спидскейтерлар ачты: тиз йөрешле роллерларда алар 10 километр ара узды.

Ир-егетләр арасында марафон дистанциясендә – Пермь краеннан Алексей Патраков, хатын-кызлар арасында Златоусттан Антонина Юшина җиңүче булдылар. 21,1 километр дистанциядә – ярыммарафонда Уфадан Вениамин Каныбәков һәм Ульяна Шарикова җитезлек күрсәттеләр.

Чарада катнашучылар һәм кунаклар өчен күңел ачу программасы оештырылды. “Голос” шоу-программасы йолдызлары Нодар Ревия һәм Элина Чага, шулай ук, Русиянең халык артисты Дмитрий Харатьян махсус кунаклар булдылар.

Зур спорт чарасында катнашучыларның берсе – җиденче чакырылыш Дәүләт думасы депутаты Зариф Байгускаров.

– Авыр булмады, дөресен генә әйткәндә, соңгы тапкыр мин Стәрлетамакта май азагында йөгердем. Шуннан соң шөгыльләнергә вакыт юк иде. Беләсезме, миңа нәрсә булышты? Хәлем беткәндә курай уйнавын ишетеп калдым. Якутов исемендәге паркта яшь егет башкорт халык көйләрен матур итеп уйный иде. Шул көч бирде һәм мине туктатырга мөмкин түгел иде инде. Барысы да яхшы! Спорт белән шөгыльләнегез. Алга, Башкортстан! – диде ул.
Әйткәндәй, әлеге марафонда элекке хезмәттәшебез, бүген Башкорт дәүләт медицина университетының физик культура кафедрасы укытучысы Айдар Зәкиев та катнашты һәм йөгерүдән зур канәгатьлек алуын белдерде.

– Марафонда йөгерү – сәламәтлек нигезе ул, – диде Айдар Мидхәт улы.

Чара Уфа шәһәре хакимияте һәм республиканың Спорт министрлыгы ярдәмендә оештырылды.

Автор:Ример Насретдинов

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27