“Кызыл таң” спорт бәйрәменә чакыра!

Бәйгенең старты һәм финишы – Дүртөйле шәһәренең Ленин исемен йөртүче үзәк мәйданында. Ярыш 11 сәгатьтә башлана.
Ярыммарафонда командалар да, аерым йөгерешчеләр дә катнаша ала. Төп таләп – йөгерергә теләүче табиб күрсәтмәләренә таянырга тиеш.
Бәйгедә 13 яшькә кадәрге мәктәп укучылары да катнаша ала. Алар 300 метр арага ярышачак.
18 яшькә кадәрге кызлар өчен 5 километрлык дистанция каралган. 18 яшькә кадәрге егетләр 10 километрга узыша.
21,1 километр арага (ярыммарафонга) түбәндәге төркем­нәр керә: 18-34, 35-39, 40-49, 50-59, 60-69, 70 яшьтәге һәм аннан өлкәнрәк ир-егетләр; 18-34, 35-39, 40-49, 50-59, 60-69, 70 яшьтәге һәм өлкәнрәк хатын-кызлар.
Маршрут Дүртөйле шәһәре урамнары буйлап салынган, 1 әйләнеш – 5 275 метр. Һәр 3 километр саен тамак ялгап китү нокталары булачак.
Бәйге җиңүчеләренә мактау кәгазьләре һәм кыйммәтле бүләкләр тапшырылачак. Шулай ук “Иң яшь бәйгече”, “Иң өлкән йөгерешче”, “Җиңүгә бул­ган ихтыяр көче өчен” номина­ция­ләрендә бүләкләү карал­ган.
Белешмәләр өчен тел.: (834787) 2-19-79, E-mail: sport.050@yandex.ru
21,1 километрга старт взносы –250 сум.
Йөгерешчеләрне теркәү 25 сен­тябрьдә 9.00–10.30 сәгать­ләрдә Дүртөйле районы­ның мәгариф ида­рәсе бинасында (Дүртөйле шәһәре, Чеверев урамы, 47) оештырыла.
Спорт бәйрәме, һәр елдагыча, чагу һәм күңелле булмакчы! Рәхим итегез! Төрле борчуларны, бетмәс мәшәкать­ләрне онытып торып, күңелле һәм файдалы ял итик, дуслар!

Миләүшә Латыйпова,
“Кызыл таң”ның үз хәбәрчесе.

Фото: М.Латыйпова