Башкортстанда иң зур һәм амбициоз объект төзелә

Бу - Башкортстан башкаласында аның 450 еллыгына төзелә торган төп юбилей объектларының берсе. Юбилей 2024 елда билгеләп үтеләчәк. Биш катлы бинаның гомум мәйданы 28 мең квадрат метр тәшкил итә. Функциональ яктан бина берничә зонага бүленгән: тамашачылар өчен трибуналар, спорт күнекмәләре комплексы, җәмәгать туклануы блогы, кунакханә һәм җир асты паркингы. Биредә 8 спорт залы, шул исәптән 3400 урынлы универсаль спорт-концерт залы булачак.

Александр Карелин ассызыклаганча, төзелеш үзәге спорт һәм ирекле көрәш, дзюдо, самбо, милли көрәш, көнчыгыш көрәшләре буенча халыкара дәрәҗәдәге ярышлар үткәрергә мөмкинлек бирәчәк. Аның сүзләренчә, ул проект масштабларына һәм бер объектта төзүчеләрнең иң заманча архитектура һәм дизайн карарларын эстетик яктан куллана алуына гаҗәпләнә.

- Беренче тапкыр шундый акыллы берләштерүне күрәм. Бу очракта әлеге объектны кыю рәвештә иң зур һәм амбициоз дип атарга мөмкин. Әмма иң мөһиме - төзелә торган спорт үзәгенең барлык заллары да балалар белән тулсын. Ачылу тантанасына килергә планлаштырам. Безнең Радий Фәрит улы Хәбиров белән дә, Русиянең Спорт көрәше федерациясе белән дә килешүләребез бар. Шунысын да билгеләп үтәм, Башкортстан һәрвакыт мөһим спорт ярышларын уздыру бурычын үз өстенә ала. Моның өчен мин республика Башлыгына һәм Спорт министрлыгына рәхмәтлемен, - диде Александр Карелин.

Фото: bashinform.ru