+21 °С
Болытлы
Спорт
28 июль 2023, 05:18
Иң көчлеләр җиңсен!
Башкортстанда узучы Сурдлимпиячеләрнең җәйге уеннары югары дәрәҗәдә оештырылган.
Иң көчлеләр җиңсен!
Мәгълүм булуынча, 23 июльдән 2 августка кадәр Уфада Сурдлимпиячеләрнең җәйге уеннары уза. 24 июльдә уеннарны рәсми ачу тантанасы узды. 30 илдән килгән спортчылар башкаланың “Уфа-Арена” боз сараенда җыелды. Сурдлимпиячеләрнең җәйге уеннарын ачу тантанасы алдыннан чыгыш ясаган иҗат коллективлары үзләренең концерт номерларында кунакларга республиканың бөтен матурлыгын һәм үзенчәлеген күрсәтергә тырышты. Мәскәү һәм Уфа артистлары әзерләгән якты, төсле шоу Русия һәм Башкортстан халкының никадәр кунакчыл булуын тулысынча күрсәтте.
Аннары сурдлимпиячеләр алдында хөрмәтле кунаклар чыгыш ясады. Русиянең спорт министры Олег Матыцин аларга Русия Президенты Владимир Путинның сәламләү сүзләрен җиткерде. Дәүләт башлыгы билгеләп үткәнчә, сәламәтлеге буенча чикләүләр булган кешеләр өчен шартлар булдыру Русиядә әһәмиятле гомумдәүләт өстенлекләренең берсе булып тора.
Башкортстан Башлыгы Радий Хәбиров, республика кунакларына – спортчыларга, аларның тренерларына һәм җанатарларына мөрәҗәгать итеп, республикада спортның мөһим урын алып торуын ассызыклады. Башкортстан халкы күп кенә чемпионатларда, шул исәптән Русия җыелма командасы составында, катнаша һәм призлы урыннар яулый.
Сурдлимпиячеләрнең беренче җәйге уеннарына стартны Бөтенрусия чукраклар спорты федерациясе президенты Дмитрий Ребров бирде.
Аннары сурдлимпиячеләр алдында хөрмәтле кунаклар чыгыш ясады. Русиянең спорт министры Олег Матыцин аларга Русия Президенты Владимир Путинның сәламләү сүзләрен җиткерде. Дәүләт башлыгы билгеләп үткәнчә, сәламәтлеге буенча чикләүләр булган кешеләр өчен шартлар булдыру Русиядә әһәмиятле гомумдәүләт өстенлекләренең берсе булып тора.
Башкортстан Башлыгы Радий Хәбиров, республика кунакларына – спортчыларга, аларның тренерларына һәм җанатарларына мөрәҗәгать итеп, республикада спортның мөһим урын алып торуын ассызыклады. Башкортстан халкы күп кенә чемпионатларда, шул исәптән Русия җыелма командасы составында, катнаша һәм призлы урыннар яулый.
Сурдлимпиячеләрнең беренче җәйге уеннарына стартны Бөтенрусия чукраклар спорты федерациясе президенты Дмитрий Ребров бирде.
Уеннарның беренчел нәтиҗәләренә килгәндә, Русия спортчылары бик яхшы күрсәткечләргә ирешә. Спорт ориентирлашуында кросс-спринт буенча Русия спортчылары пьедесталның бөтен баскычларын яулады. Хатын-кызлар арасындагы ярышларда беренчелекне Мария Новикова, икенче баскычны – Антонина Найденова, ә өченче урынны Ирина Лапикус яуладылар. Ир-егетләр арасында Никита Смирнов – алтын, Владимир Гринин – көмеш, ә Никита Асоян бронза медаль яуладылар. Ярышларның беренче медаль ияләрен котлыйбыз!
Шулай ук, Владивостоктан йөзүче Виталий Оботин “Комплекслы йөзү” дисциплинасында 400 метр дистанциядә 1нче урынны алды.
Чит ил спортчылары ярышларның югары дәрәҗәдә оештырылуын билгели. Кения спортчысы Джоэл – гандбол командасы вәкиле. Ул, шулай ук, хатын-кызлар командасы тренеры ярдәмчесе буларак катнаша. Джоэлның халыкара ярышларда тәҗрибәсе бар, әмма Русиядә ул беренче тапкыр.
– Үткән ел мин Бразилиядә Сурдлимпия уеннарында катнаштым, – ди спортчы. – Андагы һәм Уфадагы спорт инфраструктурасы дәрәҗәсен чагыштырып, мин төгәл әйтә алам: сездә яхшырак. Безнең өчен, мәсәлән, күнекмәләр залы бар. Бразилиядә андый шартлар булмады. Төрле илләрдән килгән командаларны чагыштырганда, без барыбыз да бер дәрәҗәдәге шартларда.
Спортчы сүзләренә караганда, Уфа аңа бик ошаган, әмма шәһәр белән ул әлегә тулысынча танышырга өлгермәгән. Ярышлардан соң ул Уфаны тулырак карап чыгарга хыяллана.
Ә Белоруссия спортчысы Олег Кастянка грек-рим көрәше буенча ярышларда бронза медаль яулады. Бәйгедән соң көрәшче Русиядә үткән турнирларда элек тә катнашуы, әмма Уфага беренче тапкыр килүе турында сөйләде.
– 2018 елда Владимир шәһәрендә узган ярышларда катнаштым, анда да өченче урынны алдым. Ә Уфада мин беренче тапкыр. Кызганычка каршы, Уфаны якыннан күрергә вакыт булмады, күп вакыт күнегүләргә китә. Ярышлар тәмамлангач, шәһәрне карап чыгарга телим, – диде Олег Кастянка.
Олег хатыны һәм балаларының үзе өчен җан атып торуын җиткерде. Шулай ук, спортчы өчен волонтер Гуля Безмельницына да “көрәшә”, ул сурдлимпиячеләрнең җәйге уеннарында спортчыларга ярдәм итә. Гуля Ырынбурдан килгән, анда инде күп еллар Бөтенрусия саңгыраулар җәмгыятенең урындагы бүлегендә эшли.
Уеннарның җанатарларына килгәндә, алар арасында күренекле кешеләр шактый. Аларның берсе – Русия Герое, космонавт Сергей Ревин. Уеннарда ул теннис турнирында катнашучы улы Ярославны дәртләндереп тора. Сергей Ревин, шулай ук, теннис буенча Русия Сурдлимпия җыелма командасының Попечительләр советы рәисе дә.
– Улым белән без күп тапкырлар Башкортстанда булдык. Очышлардан соң сәламәтлегемне “Яктыкүл” һәм “Янган-тау” шифаханәләрендә ныгытканым булды. Бу юлы мин Башкортстанда яңа статуста. Без мөмкинлекләре чикле балаларга спорт белән шөгыльләнергә һәм ярышларда катнашырга ярдәм итү өчен спонсорлар җәлеп итәргә тырышабыз, – диде Сергей Ревин.
Ярослав әтисеннән калышмаска тырыша. Теннис белән җитди шөгыльләнә, зур җиңүләргә омтыла.
Ярослав әтисеннән калышмаска тырыша. Теннис белән җитди шөгыльләнә, зур җиңүләргә омтыла.
– Мин 2006 елдан бирле теннис уйныйм. Мәскәүнең ишетү сәләте бозылганнар өчен адаптив спорт мәктәбендә шөгыльләнәм. Төркиядә узган Сурдлимпиадада дүртенче урынны алган идем, бу юлы җиңәргә тырышачакмын, – дип билгеләп үтте Ярослав.
Югарыда язуыбызча, Сурдлимпиячеләрнең җәйге уеннары 2 августка кадәр дәвам итәчәк. Шуңа күрә ярышларның соңгы нәтиҗәләре турында гәзитнең киләсе саннарында укырсыз.
Ример НАСРЕТДИНОВ.
Ример НАСРЕТДИНОВ.
