Иртәгә Уфада тугызынчы халыкара марафон узачак

Йөгерү һәм скандинавча йөрү өчен 2023 елгы Уфа Халыкара марафоны дистанцияләре: 2; 5; 10; 21,1; 42,2 километр, балалар старты (50-400 м).

Өченче ел рәттән спидскейтинг дисциплинасы игълан ителде: катнашучылар тизлекле роллерларда 10 километр үтәчәк.
Һәр катнашучы старт пакетында фирма футболкасы, партнерлардан бүләкләр алачак, финишта эксклюзив медаль, иң тиз катнашучыларны партнерлардан бүләкләр һәм призлар көтә.

Трассада барлык катнашучылар өчен туклану нокталары, волонтерлар һәм ярдәм төркемнәре эше планлаштырылган, ә финишта “Динамо” стадионында үз дистанциясен тәмамлаучылар өчен беренче тапкыр чараның партнеры “Яндекс карта” сервисының «Финишчы кыңгыравы» эшләячәк.

Уфа халыкара марафоны кысаларында җиденче тапкыр “Сделай!” фандрайзинг платформасында #бегупомогу хәйрия акциясе уза: катнашучыларга теләсә нинди дистанцияне уңайлы темпта йөгерергә һәм Уфа хәйрия фондлары балаларына ярдәм итәргә тәкъдим ителә. Платформа белән хезмәттәшлек иткән елларда Уфаның коммерцияле булмаган оешмалары өчен 4,5 миллион.сумнан артык акча җыелган. Хәзерге вакытта катнашучылар платформада 95 гамәл булдырган һәм «Мәрхәмәт», «Югалтулар юк», «Аерым балалар», «Уфимский хоспис» һәм «Ломая Барьеры» Уфа фондлары өчен 1,2 миллион сумнан артык акча җыйган һәм җыемнар дәвам итә.

"Уфа халыкара марафоны — Уфа халкының һәм шәһәр кунакларының яраткан спорт бәйрәмнәренең берсе. Тугызынчы тапкыр без катнашучыларга Русиядә иң уңайлы сертификатлы трасса буенча йөгерергә һәм шәһәрнең тарихи өлеше буенча иң матур маршрут белән ләззәтләнергә тәкъдим итәчәкбез", - дип сөйләде Дмитрий Бабин, “УММ” һәм “Bashrun” йөгерүләр сериясе директоры.
Уфа халыкара марафонында катнашу өчен www.ufamarafon.ru сайтында теркәлү узарга һәм 1-2 сентябрьдә Sheraton PLAZA кунакханәсендә старт пакетын алырга кирәк.