Башкортстан командасы Мәскәүдә «Абилимпикс»та катнашачак

- Башкортстан Республикасында кадрлар әзерләү сыйфатына зур игътибар бирелә, шул исәптән чемпионат хәрәкәтләрен үстерү аша – «Профессионаллар» һөнәри осталык чемпионаты, «Абилимпикс» инвалидлар арасында югары технологияләр чемпионаты һәм һөнәри осталык чемпионаты. Чемпионатта колледж, коррекция һәм мәгариф мәктәпләре студентлары, шулай ук белгечләр катнаша, - дип сөйләде Башкортстан Республикасы Мәгариф һәм фән министры вазыйфаларын башкаручы Илдар Мәүлетбирдин. — Салават мәгариф һәм һөнәри технологияләр колледжы «Абилимпикс» хәрәкәтенең төбәк үсеш үзәге булып тора, ул 2022 елда «Абилимпикс» хәрәкәтен үстерүгә керткән өлеше, инвалидларга һәм сәламәтлек мөмкинлекләре чикләнгән кешеләргә ярдәм иткәне өчен» дипломы белән бүләкләнде, - дип өстәде Илдар Мәүлетбердин.

«Абилимпикс» милли чемпионаты «Гостиный двор» күргәзмә үзәгендә һәм Мәскәү колледжларында 6 өстәмә мәйданчыкта узачак. Чемпионатның ярыш программасында 49 төп компетенция заявкаланган, медальләр өчен өч яшь категориясендә конкурсантлар көрәшәчәк: мәктәп укучылары, студентлар, белгечләр. “Абилимпикс” милли чемпионатында 22 компетенция буенча барлык категорияләрдә 25 конкурсант катнаша.

Чара Русия Федерациясенең 76 субъектыннан 750дән артык төбәк этаплары җиңүчеләрен берләштерәчәк. Беренче тапкыр чемпионатта Донецк һәм Луганск халык республикаларыннан, Запорожье һәм Херсон өлкәләреннән командалар катнашачак. Быел чемпионат "Чикләрсез мөмкинлекләр!" девизы астында узачак.