+21 °С
Болытлы
Спорт
18 ноябрь 2023, 11:50
"Көрәш меңъеллык тарихка ия"
Уфада полиция генерал-лейтенанты Артур Әхмәтханов истәлегенә багышланган милли көрәш буенча бөтенрусия ярышлары башланды. Турнир илнең 24 төбәгеннән 250дән артык катнашучыны җыйды.
"Көрәш меңъеллык тарихка ия"
Чараны ачып, Башкортстан Премьер-министры Андрей Назаров турнирның республикада өченче тапкыр узуын искәртте. Елдан-ел катнашучылар саны һәм географиясе арта.
- Көрәш меңьеллык тарихка ия һәм халкыбызның мәдәни кодының мөһим өлешен тәшкил итә. Соңгы биш елда ул икенче тапкыр туды дияргә була. Көрәш белән республикада 3 меңнән артык спортчы шөгыльләнә. 2018 елдан рәсми спорт ярышлары саны гына 2 тапкыр артты. Мондый актив көндәшлек практикасы үз нәтиҗәләрен бирә. 2019 елдан башлап спорт мастерына кандидат дәрәҗәсен ел саен 10-15 спортчы ала. Быел 12 кеше алды инде , - диде Андрей Назаров.
- Көрәш меңьеллык тарихка ия һәм халкыбызның мәдәни кодының мөһим өлешен тәшкил итә. Соңгы биш елда ул икенче тапкыр туды дияргә була. Көрәш белән республикада 3 меңнән артык спортчы шөгыльләнә. 2018 елдан рәсми спорт ярышлары саны гына 2 тапкыр артты. Мондый актив көндәшлек практикасы үз нәтиҗәләрен бирә. 2019 елдан башлап спорт мастерына кандидат дәрәҗәсен ел саен 10-15 спортчы ала. Быел 12 кеше алды инде , - диде Андрей Назаров.
Шул ук вакытта спортның барлык төрләре дә Башкортстан өчен бик мөһим, дип ассызыклады Премьер-министр, ул Уфаның Русиянең спорт башкаласы исеменә дәгъва итүен билгеләп үтте. Ел саен республикада 400 спорт инфраструктурасы объекты төзелә, бу күрсәткеч буенча Башкортстан илдә Мәскәүдән соң икенче урында тора.
- Юкка гына Владимир Путин «Русия-спорт державасы» Халыкара чарасын нәкъ менә Уфада уздыру турында карар кабул итмәде. Киләсе елда, Уфаның 450 еллыгы елында, без тагын бер уникаль объектны - Көрәш сараен сафка кертәбез. Ул көрәшнең барлык төрләре буенча халыкара ярышлар уздырырга, спортчыларны әзерләргә мөмкинлек бирәчәк, - диде Хөкүмәт Рәисе.
Ул ярышларда катнашучыларның Әхмәтханов Артур Фәрвәзович кебек шәхесләргә тиңләшүләрен теләде, Бөтенрусия турниры аның исемен йөртә.
Полиция генерал-лейтенанты А.Ф. Әхмәтханов истәлегенә корэш буенча Бөтенруия турниры 2023 елның 18-19 ноябрендә «Динамо» спорт комплексында уза. Ике көн дәвамында 2005-2006 елгы егетләр һәм 2004 елгы ир-атлар 10 авырлык категориясендә медальләр уйнатачак. Ярышларда җиңүчеләр һәм призерлар 19 ноябрьдә билгеләнәчәк.
