«Русия - спорт державасы» форумы Уфада 5 меңнән артык кунак кабул итәчәк

18 июльдә Башкортстан Башлыгы Радий Хәбиров видеоконференция режимында “Русия - спорт державасы” Халыкара форумына әзерлек буенча федераль Оештыру комитетының беренче утырышында катнашты. Аны Русия Хөкүмәте Рәисе урынбасары Дмитрий Чернышенко алып барды.

Исегезгә төшерәбез, ил Президенты Владимир Путин карары буенча «Русия - спорт державасы» XII Халыкара форумы Уфада узачак. Төп чаралар 2024 елның октябрендә яңа спорт объекты - Көрәш сарае базасында узачак.

Киңәшмә башында Дмитрий Чернышенко билгеләп үткәнчә, форум ил территориясендә иң эре халыкара спорт вакыйгаларының берсе булачак. Вице-премьер Оештыру комитетына форум кысаларында узачак Русия Президенты каршындагы Физик культура һәм спорт советы утырышын әзерләүгә аерым игътибар бирергә кушты.

- Ил Президенты Владимир Путин Федераль җыелышка Юлламасында спорт өлкәсен камилләштерү буенча күрсәтмә бирде - ел саен төбәкләрдә, беренче чиратта, кече шәһәрләрдә һәм авыл территорияләрендә, өстәмә 350 спорт объекты төзергә. Хәзер Спорт министрлыгы аларны финанслау тәртибе буенча тәкъдимнәр әзерли, - диде Дмитрий Чернышенко. - Безнең алда шулай ук социальләшүне тәэмин итү һәм СВО сугышчылары тыныч тормышка җайлашу өчен шартлар булдыру бурычы тора. "Геройлар вакыты" программасында катнашучылар мондый карарларны эшләүгә ярдәм итә алачак. Киң чакыру кампаниясен, шул исәптән чит ил кунакларын да, тәэмин итәргә кирәк.

Русиянең спорт министры Михаил Дегтярёв форум эшенең төп юнәлешләре турында сөйләде. Аның мәртәбәле кунаклары арасында - төбәк башлыклары, федераль ведомстволар һәм спорт оешмалары җитәкчеләре, спорт индустриясе лидерлары һәм ветераннары. Моннан тыш, Азия Олимпия советына керүче БРИКС, БДБ һәм башка илләр вәкилләрен чакырырга планлаштыралар. Катнашучыларның гомум саны 5 мең кешедән артыр дип көтелә. Шулай ук форум кысаларында ил төбәкләрендә «Спорт - тормыш нормасы» федераль проекты буенча төзелгән яңа спорт объектларын ачу да булачак.

Башкортстан Башлыгы Радий Хәбиров хәбәр иткәнчә, республикада булачак форумга спорт инфраструктурасы әзерләнә.

- Башкортстан, илнең алдынгы спорт төбәге буларак, күп еллар зур ярышлар үткәрә. Безнең республика кабул иткән чаралар арасында яшүсмерләр арасында спорт көрәше буенча дөнья беренчелеге, сурдлимпиялеләрнең җәйге уеннары һәм “Евразиягә каршы” милли һәм олимпия булмаган спорт төрләренең беренче Халыкара уеннары булды, - дип билгеләп үтте төбәк җитәкчесе Радий Хәбиров. - Хәзер илнең "Русия - спорт державасы" төп спорт форумына актив әзерләнәбез. Эшне тиешле «юл картасы» кысаларында алып барабыз. Минем җитәкчелегем астында республика Оештыру комитеты, эшче төркем эшли. Чараның төп мәйданчыгы Көрәш сарае булачак, ул Уфада 31 августта ачылачак.
Форумда катнашучылар өчен бик бай ял программасы да тәкъдим итәбез. Күпмилләтле мәдәният, Башкортстан традицияләре һәм тарихы белән таныштырабыз. Сүз дә юк, форум республикада һәм илдә физик культураны һәм спортны алга таба үстерү өчен куәтле стимул булачак. Төбәккә мондый ышанычы өчен рәхмәт белдерәбез.

Киңәшмәдә катнашучылар форумның эшлекле программасы чаралары, шулай ук кунакларны һәм катнашучыларны урнаштыру, аларга транспорт һәм медицина хезмәте күрсәтү, чаралар вакытында җәмәгать тәртибен һәм куркынычсызлыгын тәэмин итү мәсьәләләре турында җентекләп фикер алыштылар.

Оештыру комитеты утырышы нәтиҗәләре буенча Дмитрий Чернышенко Русия Спорт министрлыгына форум лозунгын, шулай ук Чит ил эшләре министрлыгы белән берлектә Русия һәм чит ил катнашучылары өчен чакыру кампаниясен эшләргә кушты. Башкортстан Хөкүмәтенә форумны әзерләүне һәм уздыруны махсус контрольгә алырга, ял программасын оештырырга, шулай ук Уфаның һәм республиканың мәдәни һәм тарихи потенциалын күрсәтергә тәкъдим иттеләр. Моннан тыш, форумда спорт продукциясен демонстрацияләүне һәм илебез вәкилләрен экипировкалауны тәэмин итәргә, киң мәгълүмат-аңлату кампаниясен үткәрергә кирәк, шул исәптән чит илләрдә дә.

Фото: glavarb.ru

Автор:Фануз Хабибуллин

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27