+17 °С
Ачык
Барлык яңалыклар
Спорт
2 сентябрь , 14:25
Октябрьскийда заманча спорт кластеры булачак
2 сентябрьдә Октябрьский шәһәренә эш сәфәре вакытында Башкортстан Башлыгы Радий Хәбиров Боз сараенда булды. Яңа заманча спорт-сәламәтләндерү комплексы 2023 елның декабрендә ачылган. Объект "Роснефть" компаниясе белән республика арасында хезмәттәшлек турында килешү кысаларында "Башнефть" ярдәме белән төзелгән.
Октябрьскийда заманча спорт кластеры булачак
Ясалма бозлы арена хоккей һәм фигуралы шуу, тимераякта шуу буенча тренировкалар, шулай ук муниципаль, төбәк һәм Бөтенрусия ярышларын уздыру өчен билгеләнгән. Спорт комплексының гомум мәйданы - 6,5 мең кв. м. Бина киенү блогы һәм тамашачылар өчен урыннар, шулай ук өч катлы административ-көнкүреш өлеше булган боз аренасыннан тора.
Башкортстан Башлыгы яшь хоккейчыларның ничек шөгыльләнүен карады, хореография залында һәм тренажер залында булды, анда "көмеш яшь" волонтерлары шөгыльләнә. Төбәк җитәкчесе Боз сарае каршындагы спорт мәктәбенең тренерлары һәм тәрбияләнүчеләре белән аралашты, яңа объекттагы шартлар белән кызыксынды, спорт һәм укуда уңышлар теләде.
Боз сарае янында йөзү бассейны төзелә. Яңа объект «Демография» гомумдәүләт проектының «Бизнес-спринт (Мин спортны сайлыйм)» федераль проекты кысаларында дәүләт-хосусый партнерлык шартларында төзелә.
2024 елның июнендә видеоэлемтә режимында Башкортстан Башлыгы Радий Хәбиров атналык оператив киңәшмәдә төзелешкә старт бирде. Ул вакытта республиканың спорт министры Руслан Хәбибов хәбәр иткәнчә, булачак объектның бәясе - 1 млрд сумнан артык, шуның 786 млн сумы - инвестор акчалары һәм 305 млн сумы - федераль бюджеттан. Шул ук вакытта башлангыч этапта биредә 25 метрлы бассейн җиһазлау планлаштырылган иде. Әмма инвестор шәһәр хакимияте ярдәме белән 50 метрлы бассейн һәм өстәмә инфраструктура төзергә карар кылган, үз өстенә өстәмә чыгымнарны алган.
Төзелеш мәйданчыгында Башкортстан Башлыгы эшләр барышы белән танышты, инвестор белән янәшәдәге территорияне төзекләндерү һәм өстәмә объектлар, шул исәптән кунакханәләр булдыру перспективалары турында сөйләште.
- Әлбәттә, без концессионерның үз акчаларын өстәргә карар кылуына бик шат. Һәм бассейн, башта федераль программага белдерелгәнчә, 25 метрлы түгел, ә 50 метрлы булачак. Нәтиҗәдә биредә яхшы спорт кластеры - Боз сарае, бассейн формалаша. Моннан тыш, инвестор биредә кунакханә дә төзергә карар кылган, һәм ата-аналар балалары белән шөгыльләнгәндә бераз ял итә алсын өчен спа-комплекс та төзергә булган. Миңа бик ошый - барысы да бер урында, - диде төбәк җитәкчесе. - Без хәзер шәһәр хакимияте башлыгы белән фикер алышырбыз, бәлки, киләчәккә башка объектлар да планлаштырырбыз. Безнең шәһәрләрдә һәм районнарда шундый заманча спорт комплекслары төзелүе гомумән яхшы.
Фото: glavarb.ru
Башкортстан Башлыгы яшь хоккейчыларның ничек шөгыльләнүен карады, хореография залында һәм тренажер залында булды, анда "көмеш яшь" волонтерлары шөгыльләнә. Төбәк җитәкчесе Боз сарае каршындагы спорт мәктәбенең тренерлары һәм тәрбияләнүчеләре белән аралашты, яңа объекттагы шартлар белән кызыксынды, спорт һәм укуда уңышлар теләде.
Боз сарае янында йөзү бассейны төзелә. Яңа объект «Демография» гомумдәүләт проектының «Бизнес-спринт (Мин спортны сайлыйм)» федераль проекты кысаларында дәүләт-хосусый партнерлык шартларында төзелә.
2024 елның июнендә видеоэлемтә режимында Башкортстан Башлыгы Радий Хәбиров атналык оператив киңәшмәдә төзелешкә старт бирде. Ул вакытта республиканың спорт министры Руслан Хәбибов хәбәр иткәнчә, булачак объектның бәясе - 1 млрд сумнан артык, шуның 786 млн сумы - инвестор акчалары һәм 305 млн сумы - федераль бюджеттан. Шул ук вакытта башлангыч этапта биредә 25 метрлы бассейн җиһазлау планлаштырылган иде. Әмма инвестор шәһәр хакимияте ярдәме белән 50 метрлы бассейн һәм өстәмә инфраструктура төзергә карар кылган, үз өстенә өстәмә чыгымнарны алган.
Төзелеш мәйданчыгында Башкортстан Башлыгы эшләр барышы белән танышты, инвестор белән янәшәдәге территорияне төзекләндерү һәм өстәмә объектлар, шул исәптән кунакханәләр булдыру перспективалары турында сөйләште.
- Әлбәттә, без концессионерның үз акчаларын өстәргә карар кылуына бик шат. Һәм бассейн, башта федераль программага белдерелгәнчә, 25 метрлы түгел, ә 50 метрлы булачак. Нәтиҗәдә биредә яхшы спорт кластеры - Боз сарае, бассейн формалаша. Моннан тыш, инвестор биредә кунакханә дә төзергә карар кылган, һәм ата-аналар балалары белән шөгыльләнгәндә бераз ял итә алсын өчен спа-комплекс та төзергә булган. Миңа бик ошый - барысы да бер урында, - диде төбәк җитәкчесе. - Без хәзер шәһәр хакимияте башлыгы белән фикер алышырбыз, бәлки, киләчәккә башка объектлар да планлаштырырбыз. Безнең шәһәрләрдә һәм районнарда шундый заманча спорт комплекслары төзелүе гомумән яхшы.
Фото: glavarb.ru
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27