-16 °С
Болытлы
VKOKTelegramБөек Җиңүгә - 80 ел
Барлык яңалыклар
Спорт
24 гыйнвар , 20:48

Радий Хәбиров баскетбол осталары белән очрашты

Бүген Республика йортында Башкортстан Башлыгы Радий Хәбиров баскетбол буенча олимпия чемпионнары, шул исәптән СССРның атказанган спорт мастерлары Иван Едешко һәм Ирина Сумникова, шулай ук FIBA (Халыкара баскетбол федерациясе) Дан залы әгъзасы Евгений Гомельский белән очрашты. Көн тәртибендә - төбәктә спортны үстерү.

Радий Хәбиров баскетбол  осталары белән очрашты
Радий Хәбиров баскетбол осталары белән очрашты

Республика җитәкчесе атказанган спортчыларга визитлары өчен рәхмәт белдерде һәм баскетболның Башкортстанда актив үсүен ассызыклады.

- Башкорстан баскетболының потенциалы әле тулысынча ачылмаган. Республикада Мәктәп лигасыннан алып профессиональ клубка кадәр система төзелде, - дип билгеләп үтте Радий Хәбиров.

ВТБ Бердәм лигасы президенты, Русия Президенты каршындагы Физкультура һәм спортны үстерү советы әгъзасы Сергей Кущенко Башкортстанны масштаблы ярышлар уздыру мәйданчыгы буларак югары бәяләде.

- Республикада спорт чараларын иң югары дәрәҗәдә үткәрәләр. Көрәш сарае - спорт корылмасы гына түгел, ул - чын спорт гыйбадәтханәсе. Анда уникаль спорт мохитен тоясың. Бу урын буыннарны берләштерә һәм илһамландыра, – диде Сергей Кущенко.

Евгений Гомельский билгеләп үткәнчә, халыкны спорт белән шөгыльләнүгә җәлеп итү күбесенчә төбәк җитәкчелегенең активлыгына бәйле.

– Мин тагын бер тапкыр республика җитәкчелегендә спортны аңлаучы һәм яратучы кеше торганына инанам. Мин күрәм, сез, Радий Фәритович, бу теманы бик яхшы аңлыйсыз, спорт белән яшисез. Мондый җитәкчеләрне күрү - бик зур бәхет. Шушы рухта дәвам итсәгез иде!" - диде Евгений Гомельский.

Фото: glavarb.ru

Автор:Денис Таваев
Читайте нас: