Уфада профессиональ бокс төне үтте

3 меңнән артык тамашачы төрле үлчәм категорияләрендәге киеренке көрәшләрнең шаһиты булды, шул исәптән – Русия чемпионнары исеме өчен титуллы көрәшләр, WBA континенталь билбавы һәм IBF интернациональ билбавы. Турнирның трансляциясен «Матч ТВ» телеканалының туры эфирында карарга мөмкин иде.

Кичәнең беренче көрәшендә Данис Габдрәфыйков, 8 раундлы рейтинг бәйгесендә Александр Хохловны җиңеп, профессионаллар арасында Русия чемпионы көмеш билбавын яулады. Турнирның бишенче сугышы Белореттан Бекхан Исраиловка җиңү китерде - ул 6 раунд нәтиҗәләре буенча азәрбайҗанлы Мөхәммәт Абдуллаевны җиңде.

Кичәнең төп вакыйгаларының берсе уфалы Артур Субханкулов белән австралияле Ибраһим Балла арасындагы көрәш булды. Артур судьяларның бертавыштан кабул ителгән карары белән җиңү яулады һәм җиңел үлчәм категориясендә IBF Intercontinental һәм WBA Oceania титулларын яулады.

Шулай ук Октябрьскийдан ике тапкыр Русия чемпионы Азалия Әминева 6 раундлы бәйгедә Конго Демократик Республикасыннан Бригитта Мбабины җиңде.

Журналистлар белән әңгәмәдә төбәк җитәкчесе билгеләп үткәнчә, 2024 елның августында ачылган Көрәш сарае киңкүләм спорт вакыйгаларын җәлеп итү ноктасына әверелә.

- Көрәш сарае күпфункцияле булды, без анда төрле ярышлар үткәрәбез һәм үткәрәчәкбез, – диде Радий Хәбиров. - Иң мөһиме - кешеләрнең көрәш каравына, үзләре спорт белән шөгыльләнүенә күңел сөенә. Без яхшы эш эшләдек дип саныйм.

Фото Башкортстан Башлыгы сайтыннан.