-5 °С
Кар
Барлык яңалыклар
Спорт
11 октябрь , 15:10
«Көчлеләр сайлавы» проектының Бөтенрусия конференциясе уза
11 октябрьдә Республика белән идарә итү үзәгендә төбәк җитәкчесе Радий Хәбиров “Бердәм Русия” партиясе федераль проектының Башкортстан Башлыгы каршындагы “Көчлеләр сайлавы” Бөтенрусия конференциясендә катнашты. Ул өч федерацияне - дзюдо, самбо һәм спорт көрәшен берләштерә. Аның максаты - көрәшләрне популярлаштыру, патриотик тәрбия һәм илнең кадрлар резервын формалаштыру.
«Көчлеләр сайлавы» проектының Бөтенрусия конференциясе уза
Радий Хәбиров үзенең сәламләү сүзендә, республика башлангыч салынган барлык юнәлешләрне үстерүгә җитди игътибар бирә, дип билгеләп үтте.
- Без бу проектны спорт һәм тәрбия чарасы буларак карыйбыз, аның бурычы - балаларны үз гаиләләрен, йомшак һәм ярдәмгә мохтаҗларны яклауга физик яктан әзер булырга, ә иң мөһиме - чын патриот нинди булырга тиешлеге турында дөрес күзаллау формалаштыру, - диде республика Башлыгы.
Төбәк җитәкчесе, шулай ук, башлангычның финал этабын уздыру өчен Көрәш сарае мәйданчыгын файдаланырга тәкъдим итте.
- Бу - уңайлы урын, анда ярышлар үткәрү өчен кирәкле барлык нәрсә дә бар. Без аны зур канәгатьлек белән федераль этап өчен тәкъдим итәчәкбез, - диде Радий Хәбиров.
"Көчлеләр сайлавы" Иҗтимагый советы рәисе, Русия Федерациясе сенаторы, Русия Герое, өч тапкыр Олимпия чемпионы Александр Карелин конференциядә катнашучыларга "Бердәм Русия" партиясе Генеральный советы Секретаре, Федерация Советы рәисенең беренче урынбасары Владимир Якушевның сәламләвен тапшырды.
“Башкортстан - минем Ватаным, шуңа күрә мин бөтен йөрәгемнән һәм аерым бер җылылык белән халыкны республиканың 35нче туган көне белән котлыйм. Безнең җиребезгә иминлек һәм чәчәк атуын телим, ә сезнең спортчыларга яңа биеклекләр һәм Русия милли командалары составында искиткеч җиңүләр телим. Конференциядә катнашучыларга эчтәлекле дискуссияләр, фикер алышу, "Көчлеләр сайлавы" партия проекты кысаларында перспектив эшләр һәм амбициоз планнар белән уңышлы алмашуны телим”, - диелә сәламләүдә.
Сенатор, шулай ук, көрәш төрләрен үстерүгә игътибары өчен төбәк җитәкчелегенә рәхмәт белдерде.
- Радий Фәритович, Петербург форумында проектка бирелгән искиткеч старт өчен зур рәхмәт, - дип билгеләп үтте Александр Карелин.
Исегезгә төшерәбез, республика территориясендә "Көчлеләр сайлавы" проектын алга җибәрү буенча уртак эшчәнлек турында килешүне Радий Хәбиров һәм Александр Карелин 2025 елның июнендә XXVIII Петербург халыкара икътисади форумы кысаларында имзаладылар.
Фото: glavarb.ru
Новости партнеров