“Кызыл таң” спорт сөюче дусларын җыя!

Алтын көздә, сентябрь ахырында «Кызыл таң» газетасы Дүртөйле районы хакимияте белән берлектә традицион җиңел атлетика ярыммарафонын оештыра. Быел бу матур чара 36нчы тапкыр узачак!

Добавить в предпочтительные источники Google

Ярыммарафонның төп максатлары иң көчле йөгерешчеләрне ачыклау гына түгел, ә бәлки яшь буынны сәламәт яшәү рәвеше белән кызыксындыру, спортка җәлеп итү һәм аны пропагандалау булып кала бирә.

Бәйге 26 сентябрьдә сәгать 11дә башланачак. Старт һәм финиш — Дүртөйле шәһәренең Ленин исемендәге үзәк мәйданында. Зур спорт бәйрәмендә елдагыча республикабызның төрле районнарыннан, шулай ук күрше төбәкләрдән дә йөгерешчеләр бик теләп катнашыр, дип ышанабыз.

10–13 яшьлек балалар 300 метрга ярышачак. 14–15 яшьлек кызлар — 5 километр, ә шул ук яшь төркемендәге егетләр 10 километр арага көч сынашачак. Бу өч төркемнең һәркайсында Дүртөйле районы мәктәпләреннән бишәр укучы катнаша алачак.

10 километр ара 18 яшьтән өлкәнрәк спортчылар өчен дә каралган. Ярыммарафонга (21,1 километр) шулай ук 18 яше тулган, сәламәтлеге буенча медицина чикләүләре булмаган һәркем йөгерә алачак.

10 һәм 21,1 километр арага йөгерүчеләр өчен старт өчен түләү — 300 сум. Теркәлү өчен 9.00–10.30 сәгатьләрдә Дүртөйле тарих һәм туган якны өйрәнү музеена (Рәзил Мусин урамы, 64) килергә кирәк. Сораулар белән Дүртөйле районы хакимиятенең яшьләр белән эшләү, физик культура, спорт һәм туризмны үстерү бүлегенә мөрәҗәгать итәргә мөмкин (8-34787-2-19-79).

Һәр 2,5 километр саен су, чәй һәм җиңелчә туклану мөмкинлеге булган пунктлар оештырылачак. Җиңүчеләрне Мактау кәгазьләре һәм кыйммәтле бүләкләр көтә. Шулай ук «Иң яшь йөгерешче», «Иң өлкән йөгерешче», «Җиңүгә омтылыш өчен» номинацияләрендә җиңүчеләр билгеләнәчәк.

Спорт бәйрәмендә көчен сынап карарга теләүчеләрне һәм тамашачыларны матур чарага көтеп калабыз!

Рәсемдә: старт.
Фото: автор архивыннан.

Автор:Миләүшә Латыйпова

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Об использовании персональных данных

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, «Башкортстан Республикасы» нәшрият йорты акционерлык җәмгыяте.

____________________

УЧРЕДИТЕЛИ: Агентство по печати и средствам массовой информации Республики Башкортостан, Акционерное общество Издательский дом «Республика Башкортостан».

Правила применения рекомендательных технологий

Политика конфиденциальности

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Эл. почта

kyzyltan@mail.ru

Адрес

450079, Уфа шәһәре, Октябрьнең 50 еллыгы урамы, 13 нче йорт

Рекламная служба

8(347)272-62-27

Сотрудничество

8(347)272-62-27