Башкортстан яшьләре 19 миллион сум отты

Башкортстан җәлеп ителгән акчалар күләме буенча Идел буе федераль округы лидерлары өчлегенә керде. Төбәк проектларына ярдәм күрсәтүнең гомум суммасы 19 060 000 сум тәшкил итте.

Ярдәмнең иң зур суммасын М. Акмулла исемендәге Башкорт дәүләт педагогия университеты проектлары җәлеп итте - 8 760 000 сумлык 5 грант. Имзаланган башлангычлар саны буенча Башкорт дәүләт университеты лидер булды - 4 900 000 сумлык 7 грант. Уфа дәүләт нефть техник университетының ике проекты 4 450 000 сум алачак, ә Уфа дәүләт авиация техник университеты проекты 950 000 сум грант отты.

- Конкурска әзерлек буенча консультацияләр Яшьләр сәясәте буенча дәүләт комитетының Яшьләр проект офисы базасында узды. Бу эшнең нәтиҗәсен җәлеп ителгән акчалар санын арттыруда күрәбез. Чагыштыру өчен, 2021 елда ике югары белем бирү оешмасы гомум суммасы 4 300 000 сумлык грантлар отты, - дип ассызыклады Башкортстанның Яшьләр сәясәте буенча дәүләт комитеты рәисе Яна Гайдук.

Җиңүче проектлар арасында - мәгариф форумнары, иҗади һәм спорт слетлары һәм фестивальләре, мәгърифәтчелек мәйданчыклары һәм халыкара аэрокосмик мәктәп.

Барлыгы грантлар бирүгә экспертлар тарафыннан Руcиянең 60 төбәгеннән 373 проект тәкъдим ителгән, гомуми суммасы 900 миллион сум.