Яшьләр, грант отарга ашыгыгыз!

Башкортстанның яшьләр сәясәте өлкәсендә комерция карамагында булмаган оешмалар проектларына ярдәм итүгә юнәлтелгән грант конкурсына гаризалар кабул итә башлар алдыннан “Йәшлек House”да оешма җитәкчеләре белән очрашу узды. Нәкъ менә биредә, әлеге яшьләр киңлеген ачу тантанасында узган елның октябрендә Башкортстан Республикасы Башлыгы Радий Хәбировның республика яшьләр хәрәкәтләре лидерлары белән очрашуы булды, анда безнең төбәкнең коммерциягә карамаган яшьләр оешмаларына ярдәм итү турында карар кабул ителде.
Сәламләү сүзе белән Башкортстан Республикасы Яшьләр сәясәте буенча дәүләт комитетының урынбасары Вито Сабиров чыгыш ясады.
Башкортстан Республикасы Башлыгының яшьләр сәясәте өлкәсендәге грантлар конкурсына гаризалар кабул итү якындагы дүшәмбе, 11 июльдә башлана.
Конкурска түбәндәге тематикалар буенча проектлар тәкъдим ителергә мөмкин:
Яшьләр хәрәкәте;
Вакыйгалар оешмасы;
Профессионализм;
Профилактика;
Мин - Гражданин;
АртГРАНТ;
Медиа;
Ирекле булу;
Белем.
Конкурсның гомум бюджеты 20 миллион сум тәшкил итә. Төбәкнең коммерция карамагында булмаган оешмаларының социаль проектлары 2 миллион сумга кадәр грант ярдәме алачак. Проектларны гамәлгә ашыру срогы 12 айдан да артмаска тиеш.
Конкурста катнашуга гаризалар 2022 елның 11 июленнән 10 августына кадәр урындагы вакыт белән17.00 сәгатьтә грантыглавы102.рф сайтында кабул ителәчәк.