-10 °С
Болытлы
Гәзиткә язылуVKOKTelegramЯRus
Барлык яңалыклар
Яшьлек
31 август , 15:26

Яшьләр бизнеста үзләрен сынап карый алачак

Проектта 14-35 яшьлекләр катнаша ала.

Яшьләр бизнеста үзләрен сынап карый алачак
Яшьләр бизнеста үзләрен сынап карый алачак

Яшьләр эшкуарлыгын үстерүнең Бөтенрусия программасы кысаларында Яшьләр эшләре буенча федераль агентлык «Инвестицион сессияләр» проектын башлап җибәрә. Вакыйганы Ижауда яшь эшкуарларның Бөтенрусия форумында тәкъдир иттеләр.

Анда 14 яшьтән 35 яшькә кадәрге Русия Федерациясе гражданнары катнаша ала. Ике агымда яшь эшкуарлар онлайн-курслар узачак һәм инвесторлар белән очрашачак.

- Социаль проектлар өчен яшьләр проектлары конкурслары кысаларында грант ярдәменең төрле чаралары бар. Шунысы мәгълүм, Бөтенрусия яшьләр эшкуарлыгын үстерү программасы инде яшь эшкуарларны үстерү өчен өстәмә мөмкинлекләр тудыра. Инвестиция сессияләрендә алар үз идеяләрен инвесторларга тәкъдим итү өчен тупларга, финанс җәлеп итәргә өйрәнәчәк. Идел буе федераль округы субъектлары өчен онлайн-курс 19 сентябрьдә башлана. 18 сентябрьгә кадәр “Русия яшьләре” АИСта теркәлергә мөмкин, - диде Башкортстан Республикасының Яшьләр сәясәте буенча дәүләт комитеты рәисе Яна Гайдук.

«Инвестицион сессияләр» Русиянең 30 субъектында һәм ике этапта узачак: әзерлек (онлайн-формат) һәм инвесторлар белән очрашулар (офлайн-формат). Сессияләрдә катнашучыларның беренче этабы вакытында үз проектларын инвесторларга тәкъдир итүгә әзерлиләр. Алар төп этапларны, EQ һәм чыгышлар структурасын үз эченә алган тәкъдир итү нигезләре буенча видеодәрес алачак, анда проектларны "сынап карау" булачак, гамәли осталык дәресләре үткәрәчәк. Беренче этап финалында һәр катнашучы кире элемтә алачак. Икенче этап вакытында проектта катнашучыларга үз бизнес-идеясен гамәлдәге инвесторларга шәхсән тәкъдим итү мөмкинлеге бирәчәк.

Фото: yarmp.ru

Автор:Гөлия Мөгаллимова
Читайте нас в