Русиянең "Яшьләр башкаласы" исеме кайсы шәһәргә бирелер?

Түбән Новгород "Русиянең яшьләр башкаласы" титулына дәгъва итүче 7 топ-шәһәр исемлегенә керде. "Росмолодежь" сайтында (https://dom.fadm.gov.ru) финал иҗтимагый тавыш бирү башланды, ул 10 декабрьгә кадәр дәвам итәчәк. Һәр теләүче дәрәҗәле исем өчен көрәштә Идел буе федераль округы башкаласына ярдәм итә ала.
2022 елда Яшьләр эшләре буенча федераль агентлык (Росмолодежь) беренче тапкыр Русия шәһәрләре арасында "Русиянең яшьләр башкаласы" статусын алуга конкурс башлап җибәрде. Һәр катнашучы шәһәр хуҗалыгы белән идарә итүгә авторлык принцибын кертүгә һәм шәһәр тормышының барлык аспектларына яңа яшьләр перспективаларын кертүгә юнәлтелгән инновацион идеяләрне, проектларны һәм чараларны күрсәтә ала.

Түбән Новгород финалга чыккач сайлап алу этабын үтте һәм үзен "Яшьләр башкаласы" тамашасы чыгарылышында уңышлы тәкъдим итте. Беренчелек өчен көрәштә шулай ук Владивосток, Яңа Уренгой, Калининград, Мурманск, Тула һәм Красноярск катнаша. Иң күп тавыш җыйган шәһәр "Русиянең яшьләр башкаласы" исеменә лаек булачак.

Исегезгә төшерәбез, конкурс җиңүчесе үз территориясендә "Росмолодежь" экосистемасына (шул исәптән грант конкурсына) керүче проектларны, "Росмолодежь" тарафыннан күрсәтелгән проектларны гамәлгә ашыру өчен методик һәм эксперт ярдәмен һәм шәһәрне 2023 ел дәвамында алга җибәрү өчен авторлык медиастратегиясен уздыру мөмкинлеген алачак, шулай ук Русия төбәкләрендә «Яшьләр өчен төбәк» яшьләр сәясәтен комплекслы үстерү программасына кертеләчәк. Моннан тыш, Русиянең Яшьләр башкаласында шәһәр мохитен төзекләндерү яки урам ялы элементларыннан торган арт-объект төзеләчәк.
Җиңүчене игълан итү һәм титул тапшыру 2022 елның декабрендә «Яшьләр вакыты» Бөтенрусия яшьләр премиясенә йомгак ясау тантанасында узачак.