“Яшьләр – безнең таянычыбыз!”

Бөрҗән районында умарта­лык­ны эшкуар тугыз ел дәвамын-да үрчетә. Умарталарның гомум саны бүген 300­дән арткан. Моннан тыш, умартачы Бөрҗән бал корты токымы аналарын үрчетү өчен махсус парк булдырган.

Башкортстан Башлыгы бал кортлары үрчетүгә махсуслашкан паркта булды, анда бал кортларын үрчетү технологиясе белән танышты. Радий Хәбиров быел республикада чолыкчылык умартачылыгына ярдәм итү программасы эшли башлавы, аның буенча умарталыкны үстерүгә субсидия алырга мөмкин булуы турында җиткерде.

Арытаба Башкортстан Башлыгы Бөрҗән районының Иске Собхангол авылында “Берен­че­ләр хәрәкәте” Русия яшьләр оешмасының урындагы бүлек-чә­ләре активистлары белән очрашты. Ул Русия Президенты Владимир Путин кушуы буенча яшь буынны берләштерү һәм ил үсешенә юнәлтелгән иң яхшы иҗади идеяләрне һәм башлангычларны популярлаштыруга ярдәм итү максатында булдырылды.

Чарада, шулай ук, Русия Пре­зиден­тының Идел буе федераль округындагы Тулы вәкаләтле вә-киле урынбасары Олег Машковцев һәм Дәүләт думасы депутаты Эльвира Аеткулова катнашты.

Башкортстан Башлыгы очрашуда катнашучыларны сәлам­ләде һәм үсеп килүче буын белән эшләүдә уңышлар теләде.
Олег Машковцев хәбәр итүен-чә, ил төбәкләрендә “Беренчеләр хәрәкәте”н формалаштыру тәмам­лана. Әлеге оешманың активист­ларына үсеп килүче буын белән җитди эш алып барырга кирәк булачак.

– Сез – безнең ышанычлы партнерларыбыз. Әмма сезнең эш нәтиҗә­ләре шунда ук күрен-мәячәк. Яшьләр үзләренең ил өчен кирәк булуын, аларны ише­түләрен һәм идеяләрен тормышка ашырырга ярдәм итәчәк­ләре турында белергә тиеш, – диде Олег Машковцев.

Шул ук көнне Радий Хә­биров Бөрҗән районының Иске Собхангол авылында Идел буе федераль окру­гының “Яшьләр җыены-23” IV Яшьләр форумында катнашты. Форум мәй­дан­чыгында Русиянең төрле тө­бәк­­ләрендәге уку йортларында белем алучы Башкортстан студентлары, шулай ук яшьләр сәя­сәте органнары вәкилләре – барлыгы 1,5 мең кеше җыелды.

Төбәк җитәкчесе чарада катнашучыларны сәламләде, яшь активистларга “Башкортстан волонтеры” дигән мактаулы билге­ләр тапшырды һәм яшьләр белән рәсми булмаган шартларда аралашты.

– Чын күңелдән әйтәм – сез – иң яхшы яшьләр. Сез акыллы, ча­­гу, максатчан, – диде Радий Хәбиров. – Шул ук вакытта без сезгә таяныч буларак карыйбыз. Киләчәктә илебезне, республикабызны алга алып баручылар буларак күрәбез.

Радий Хәбиров һәм Олег Машковцев, шулай ук, самолетларның агач модельләрен җыю буенча команда квестында катнаштылар, форум делегатлары белән аралаштылар һәм аларны борчыган сорауларга җавап бирделәр.