Яшьләр сәясәте буенча дәүләт комитеты министрлыкка үзгәртелә

Республика Башлыгы яшьләр белән актив хезмәттәшлек итә: атна саен очрашулар югары уку йортлары, "Патриот" яшьләр үзәге, "Кампус" киңлекләре һәм башка урыннарда уза. Мондый формат актуаль проблемалар турында турыдан-туры фикер алышырга мөмкинлек бирә, хакимият белән яшь буын арасында ышанычлы диалог формалаштыра. Шуңа да әлеге башлангыч бу җәһәттән тагын да үсешергә мөмкинлек бирәчәк. Башкортстанның Яшьләр сәясәте буенча дәүләт комитетын министрлыкка үзгәртеп кору, ведомствоара программаларны координацияләүне һәм ресурс базасын киңәйтүне дә кертеп, бурычларны хәл итүдә стратегик өстенлекне раслый.

Министрлык булдыру, яшьләрне җинаятьчел эшчәнлеккә җәлеп итү омтылышларын һәм читтән деструктив йогынтыны да кертеп, үсә баручы хәвеф-янауларга җавап булачак. Институциональ базаны көчәйтү үсеп килүче буынның бүген көн кыйммәтләре ориентирларын тәрбия, һөнәри юнәлеш һәм социаль ярдәм аша яклауга юнәлтелгән.

Акцент комплекслы чишелешләргә юнәлтелгән: девиант тәртипне кисәтүдән алып, үз-үзеңне тормышка ашыру өчен шартлар булдыруга кадәр. Мәгариф, мәдәният һәм социаль өлкәнең көчләрен берләштерү министрлык эгидасы астында патриотик тәрбия һәм яшьләр эшкуарлыгы кебек проектларны нәтиҗәле гамәлгә кертергә мөмкинлек бирәчәк.

Реформа Башкортстанның озайлы вакытка исәпләнгән стратегиясен чагылдыра: яшьләргә ярдәм итү аша социаль-икътисади үсешкә нигез салына. Кадрлар потенциалын ныгыту, инфраструктураны үстерү һәм яшь кешеләрне идарә итү процессларына җәлеп итү республикада уңай үзгәрешләрнең драйверы булачак.

- Мондый министрлык төзү күптән кирәк иде. Беренчедән, бу фәнни тикшеренүләрне проиводствога кертүне уңайлаштырачак, икенчедән, бер үк тема буенча, әмма төрле урыннарда эшләүче галимнәрнең идеяләрен берләштерү өчен кирәк ул. Соңгысы инде республикада производствоны һәм икътисадны бергә үстерү өчен аеруча мөһим. Дөресен генә әйткәндә, яңа башлангыч яңа сынаулар да куя: безгә фән белән производствоның берләшеп эшләвен тәэмин итү механизмын булдыруны да уйларга кирәк. Әмма инде тәүге адымнар булгач, чираттагыларын ясау кыен булмас дип уйлыйм, - диде бу җәһәттән профессор, педагогия фәннәре докторы, М. Акмулла исемендәге Башкорт дәүләт педагогия университетының Мәгарифне үстерү фәнни-тикшеренү институты баш фәнни хезмәткәре Раил Әсәдуллин.

Фото: bashinform.ru