+30 °С
Болытлы
Яшьлек
26 июнь , 12:23
Яшьләр көне ничек узачак?
Иртәгә, 27 июньдә, Уфада Яшьләр көненә багышланган масштаблы бәйрәм узачак. Һава торышы фаразы буенча яңгырлар көтелә, шуңа күрә оештыручылар бәйрәмнең бернәрсә дә комачауламыйча үтүе һәм һәркемнең рәхәтләнеп ял итә алуы өчен зонт һәм яңгырдан саклый торган кием алып килергә киңәш итә.
Яшьләр көне ничек узачак?
Бәйрәмнең төп мәйданчыгы Агыйдел елгасы яр буенда, «Торатау» Конгресс-холлы янында оештырылачак.
Оештыручылар 9 һәм 11 сыйныфны тәмамлаучылар өчен сюрприз әзерләгән. Алар барлык чыгарылыш сыйныф укучыларының төп хиты белән аның авторы — Фогель белән бергә җырлый алачак!
Флешмобта катнашу өчен сылтама аша теркәлергә кирәк: clck.ru/3UKims.
Яшьләр көнендә сез:
тере музыка астында бачата биергә өйрәнә аласыз;
популяр өстәл уеннарын уйный аласыз;
тиз танышу чараларында катнаша аласыз;
танылган спортчылар катнашындагы бокс ярышларын карый аласыз;
барабанда уйнарга өйрәнә аласыз;
һәм башка бик күп кызыклы чараларда катнаша аласыз.
— Бәйрәмне Кравц, Марат Яруллин, Фогель һәм Baby Ti катнашындагы зур дискотека тәмамлаячак, — дип белдерде Башкортстанның яшьләр министры Вито Сабиров.
Керү бушлай. Башлана 15:00 сәгатьтә.
"Кызыл таң"ның да МАХ мессенджерында рәсми каналы бар. Кушылыгыз!
Каналга кушылыр өчен сылтама буенча үтегез: https://max.ru/kiziltan102
