+15 °С
Ачык
Гәзиткә язылуVKOKTelegram
Барлык яңалыклар
Сәламәтлек саклау
24 ноябрь 2016, 02:00

Грипп эпидемиясе гыйнварда көтелә

Башкортстанда грипп һәм кискен респиратор вирус инфекциясе белән авыручылар саны гыйнвар-февраль айларында артачак дип көтелә. Эпидемия 6-8 атна дәвам итәчәк һәм март ахырына тәмамланачак.

“Роспотребнадзор”ның Башкортстан идарәсе начальнигы урынбасары Галина Пермина белдерүенчә, бүген республикада эпидемик чикнең артуы теркәлмәгән.

— Прививка ясату — гриппка каршы көрәшнең иң нәтиҗәле ысулы, — диде Галина Пермина. — Башкортстанда вакциналау капманиясе сентябрьдә үк башланды. Әлеге вакытта халыкның 38,5 процентына (1 миллион 756 мең кеше) гриппка каршы прививка ясалган. Агымдагы елда халыкның 40 процентына привывка ясау бурычы тора. Бу кешеләрне эпидемиядән сакларга ярдәм итәчәк.

Федераль үзәктән 1 миллион 470 мең доза вакцина кайтарылган, якынча 9,5 мең доза — республика казнасы, кал­ганнары предприятие һәм оешмалар исәбенә сатып алынган.

“Роспотребнадзор”ның эпидемиологик күзәтү бүлеге начальнигы урынбасары Зөһрә Шаһиева сүзләренә караганда, быел вирусның А I/Калифорния (“дуңгыз гриппы”), A II/ Гонконг һәм B/ Бризбон төрләре киң таралачак.

Белгечләр прививканы алдан ясатырга тәкъдим итә. Вируска каршы иммунитет барлыкка килсен өчен ике атна вакыт таләп ителә.

Узган елда 157 мең кеше авырган, шуның 700енә грипп диагнозы куелган.
Читайте нас: