Дөньяны чагу төсләрдә күрик

Шәфкатьле, киң күңел­ле, үз һөнәрен яратучы ке­ше ул Олег Кәбир улы. Барлык төр күз авыруларын дәвалый, операцияләр ясый.
Дакриоцистит — киң таралган һәм кешеләргә күп уңайсызлыклар китерә торган авыру: туктаусыз яшь ага, күзне “томан” каплый... Операциясез котылып булмый. Ә доктор Сабиров бу авыруның операциясез дәвалау ысулын тапты!
Олег Сабиров яңа опе­ра­цияләр уйлап табуга патент алган, өч рационализатор тәкъдиме керткән, Уфа күз авыруларын фән­ни-тикшеренү институты­ның фәнни журналында алты мәкалә бастырган. Башкортстанның атказанган табибы, “2010 елның иң яхшы табибы” дигән исемнәргә ия ул.
— Һөнәремне нәтиҗәсе күренгәнгә яратам, – ди ул һәм өстәп куя: ул һәрвакыт яңа, беркайчан да бер-берсенә охшаган опера­цияләр булмый, авырулар бер-берсенә охшашса да.
Ярдәм сорап килгән бер-кемнең дә үтенечен кире какмый. Аеруча ир-атларга сак булырга киңәш итә. Чөнки аның күпчелек пациентлары — ирләр. Инструментлар, кислоталар белән саксыз эш итеп, күз җәрә­хәтләре еш алалар.
— Күзләрне дару гына дәваламый, — ди табиб. — Көн саен авыз-борынны чайкату, дөрес туклану, начар гадәтләрдән баш тарту, компьютер белән сак эш итү, күзләргә күнекмәләр ясау — сыйфатлы күрү сә­ләтен озак еллар сакларга ярдәм итүче чаралар.