+21 °С
Болытлы
Сәламәтлек саклау
16 июль 2019, 06:04
Донорлык һәм трансплантация өлкәсендә мөһим килешү
Уфада Башкортстан Сәламәтлек саклау министрлыгы белән Шумаков исемендәге Дәүләт медицина тикшеренү транспланталогия һәм ясалма органнар үзәге арасында донорлык һәм органнарны трансплантацияләү өлкәсендә хезмәттәшлек турында килешү төзелде. Сәламәтлек саклау министры вазыйфасын башкаручы Максим Забелин һәм Русиянең төп трансплантологы Сергей Готье килешүгә кул куйдылар.
Уфада Башкортстан Сәламәтлек саклау министрлыгы белән Шумаков исемендәге Дәүләт медицина тикшеренү транспланталогия һәм ясалма органнар үзәге арасында донорлык һәм органнарны трансплантацияләү өлкәсендә хезмәттәшлек турында килешү төзелде. Сәламәтлек саклау министры вазыйфасын башкаручы Максим Забелин һәм Русиянең төп трансплантологы Сергей Готье килешүгә кул куйдылар.
Килешү донорлык һәм органнар трансплантацияләүне, фәнни-тикшеренү эшен, трансляцион медицинаны, телемедицина һәм сакчыл технологияләрне, медицина кадрлары әзерләүне, ясалма органнарны куллану тәҗрибәсен оештыруны һәм төбәкара хезмәттәшлекне үстерүне күз уңында тота.
Соңыннан трансплантология өлкәсендә югары технологияле операцияләр үткәрү өчен төбәктә база әзерләү һәм ведомствоара хезмәттәшлек мәсьәләләре буенча киңәшмә үтте.
Максим Забелин төбәк җитәкчелегенең донорлык һәм трансплантология хезмәтен үстерергә әзер булуын әйтте.
– Безнең сәламәтлек саклау системасы моңа әзер. 1996 елда Куватов исемендәге Республика дәваханәсендә күчерелгән бөер республикада беренче трансплантацияләнгән орган булды. 2013 елда Башкортстанда йөрәк һәм бавырның беренче трансплантацияләре үтте. 1996-2018 елларда бөер күчерүнең 428 очрагы булды, – диде Максим Забелин.
Ләйсән Якупова.
