+24 °С
Яңгыр
Сәламәтлек саклау
20 август 2020, 16:25
Балалар сәламәт булсын!
Бүген, 20 августта, Сибайда "Шифа" балалар тернәкләндерү үзәге һәм сәламәтләндерү лагере төзелеше планлаштырыла торган урында төзелеш башлану хөрмәтенә капсула салынды.
Бүген, 20 августта, Сибайда "Шифа" балалар тернәкләндерү үзәге һәм сәламәтләндерү лагере төзелеше планлаштырыла торган урында төзелеш башлану хөрмәтенә капсула салынды.
Проектның инициаторы: Башкортстанның Сибай шәһәре округы хакимияте, республиканың Гаилә, хезмәт һәм халыкны социаль яклау министрлыгы. Булачак үзәк сәламәтлек мөмкинлекләре чикле балаларны һәм яшүсмерләрне Сибайдан гына түгел, Урал аръягы районнарыннан да кабул итәчәк.
Бүгенге көндә Сибайда һәм якындагы районнарда 700дән артык инвалид һәм сәламәтлек мөмкинлекләре чикле 2300дән артык бала яши. Үзәкнең барлыкка килүе Сибайга социаль юнәлештә алга таба тагын бер этәргеч бирәчәк. Үзәктә балаларны тернәкләндерү өчен иң яхшы, заманча, төрле яклап шартлар тудырылачак.
Әлеге вакытта балаларны һәм яшүсмерләрне реабилитацияләү филиалы кайчандыр балалар бакчасы булган җайлаштырылган бинада урнаша. Аны азат итеп, шәһәр администрациясе бинаны 3 яшькә кадәрге балаларны мәктәпкәчә белем белән тәэмин итү проблемасын хәл итү ягына таба зур адым ясап, турыдан-туры билгеләнү буенча кулланырга планлаштыра. Үзәкне инвестиция сабантуе чараларын уздыру өчен мәйданчыкларның берсенә әверелгән Төяләс елгасы ярында уңайлы, иркен һәм матур урында төзү планлаштырыла.
Фото: "Башинформ" агентлыгы
