+20 °С
Болытлы
Сәламәтлек саклау
6 ноябрь 2020, 08:45
Медикларга уңайлы киемнәр тапшырылачак
«Бердәм Русия”нең төбәк Башкарма комитеты җитәкчесе Рөстәм Әхмәдинуров медиклар өчен заказ буенча эчке кием тегелүче “ОПТРИ” фабрикасында булды.
«Бердәм Русия”нең төбәк Башкарма комитеты җитәкчесе Рөстәм Әхмәдинуров медиклар өчен заказ буенча эчке кием тегелүче “ОПТРИ” фабрикасында булды.
– Ашыгыч ярдәм хезмәткәрләре безгә вируска каршы костюмнар эченнән кияргә уңайлы эчке кием сорап мөрәҗәгать итте. Гадәти киемдә аларга эшләү уңайсыз, костюмнар һава үткәрми, аларда көн буе йөрергә туры килә, – дип сөйли Рөстәм Әхмәдинуров.
Медиклар өчен костюм эченнән кия торган 800 комплект кием тегеләчәк: 370е - ирләр өчен соры төстә, 430ы хатын-кызлар өчен ак төстә булачак. “ОПТРИ” тегү фабрикасының җитәкчесе Зөлфирә Газизова әйтүенчә, иң уңайлы тукыма – кулирка сайланган. Мамыктан ясалган трикотаж тукыма тәнгә уңайлы, дымны яхшы сеңдерә.
– Материал турында без Республика ашыгыч ярдәм станциясенең баш табибы Аяз Камалов белән сөйләшеп килештек. Бу тукыманы югары температураларда эшкәртергә, хәтта кайнатырга мөмкин, – ди Зөлфирә Газизова.
Һәр комплект аерым пакетларга төрелгән булачак. Кием медикларга якын көннәрдә тапшырылачак.
Фото: "Бердәм Русия"нең төбәк бүлекчәсе
