-5 °С
Болытлы
Барлык яңалыклар
Сәламәтлек саклау
1 февраль 2021, 12:25
Ясатасыңмы? Ясатам!
(Тетәбикә телефоннан сөйләшә-сөйләшә килеп керә).Тетәбикә: Әлү, улым, әлү, ишетәм. Хәлең авырмы, балам? Температураң 37? Ай, нигә генә ясаттың аны, балакаем?! Киленнең хәле ничек? Әйбәт? Бүген өйдән эшлисезме? Ай, хәлең начарланып китмәсә ярар иде... Әү? Кайгырма, китте, китте. Хәзер кайтып та килә, ахры, әнә ишек тавышы ише-телә....
(Тетәбикә телефоннан сөйләшә-сөйләшә килеп керә).
Тетәбикә: Әлү, улым, әлү, ишетәм. Хәлең авырмы, балам? Температураң 37? Ай, нигә генә ясаттың аны, балакаем?! Киленнең хәле ничек? Әйбәт? Бүген өйдән эшлисезме? Ай, хәлең начарланып китмәсә ярар иде... Әү? Кайгырма, китте, китте. Хәзер кайтып та килә, ахры, әнә ишек тавышы ише-телә....
(Гаделҗан килеп керә).
Тетәбикә: Илттеңме оныкны мәктәпкә?
Гаделҗан: Илттем. Бар да тәртиптә.
Тетәбикә: Илткән. Ярар, улым, пока. Хәлең начарланса, шалтырат!
Гаделҗан: Нәрсә бик өлтерисең? 3 яшьлек түгел, 30ны узган бит улыбыз.
Тетәбикә: Әй, каты бәгырь! Коронавирус кадәр коронавирустан прививка ясаткан бит ул!
Гаделҗан: Менә монысы маладис аңа!
Тетәбикә: Нинди маладис! Әнә температурасы күтәрелгән! Укол урыны авыртып тора, ди!
Гаделҗан: Соң, шуннан? Әз генә температура күтәрелгәнгә генә түзеп була бит! Бер-ике көннән үтә диләр аны. Коронавирус йоктырып, атналар буе чирләп яту түгел инде! Ул каһәрле чирнең яман катлаулылыклары да бар бит әле. Ясатуы әйбәт булган.
Тетәбикә: Ә мин кайгырам балам өчен! Ул прививка хакында ниләр генә сөйләмиләр....
Гаделҗан: Әй, шул теләсә кемнең юк-бар сөйләвенә ышандың инде гомер буе...
Тетәбикә: Галимәнең улы әйтә ди, ул вакцина дигәннәре белән бөтен кешегә “чип” дигән нәрсә куялар икән, ди! Бөтен кешегә куеп бетереп, кешеләр белән ммм... нәрсә соң әле? Ә! Идарә итә башлыйлар ди!
Гаделҗан: Хе-хе-хе! Әй, карчык! Бәлки, Галимә белән сезгә берәр фантастик кино төшерергәдер! Юк-бар уйларыгызның, сүзләрегезнең файдасы булыр иде, ичмасам!
Тетәбикә: Әй, син көләсең инде! Ә бит Галимәнең улы теге компьютер дигән нәрсәләрдә бөтен нәрсәне белә, ул белеп сөйлидер инде. Әй, Аллам, улыбызга нәрсә булыр инде!
Гаделҗан: Булды, җитте, карчык, юк сүз сөйләмә. Нәрсә булсын, улыбыз да, киленебез дә акыллы безнең. Беренчеләрдән булып кирәкле вакцина ясаттылар. Хәзер менә авырмаслар, Аллаһ боерса. Өстәвенә, антиковид паспортлары булачак.
Тетәбикә: Анысы нәрсә инде, карт?
Гаделҗан: Димәк, алар өчен чикләүләр бетә дигән сүз. Теләсәләр, чит илгә ял итәргә баралар, теләсәләр, театрга, кинога, башка җиргә. Чөнки алар хәзер чирне башкаларга да, үзләренә дә йоктырмый!
Тетәбикә: Шулай булса, әйбәт тә соң...
Гаделҗан: Әлбәттә, шулай! Син улыбызны сөйлисең дә, улыбызны сөйлисең. Киленнең хәле ничек соң? Ул да прививка ясатты бит.
Тетәбикә: Әй, нәрсә булсын аңа... Ат кебек таза безнең килен, менә шул! Температурасы да күтәрелмәгән, бер җире дә авыртмый да. Әйтерсең, ул прививканы ясатмаган да...
Гаделҗан: Хе-хе! Соң, сөен! Безнең малай йомшаграк булганга килен гаепле түгел бит!
Тетәбикә: Әй, бала жәл бит, бала жәл... Менә Габделбөке әйтә...
Гаделҗан: Тагын кемнәр нәрсәләр әйтә?
Тетәбикә: Аларның кызларының күршесе ясаткан да чирләп ята ди!
Гаделҗан: Соң, кемдер әз генә чирләгән кебек тә булырга мөмкин инде! Вакцина бит ул! Барыбер коронавирус йоктырып чирләү түгел!
Тетәбикә: Кемгә ышаныргадыр инде, карт...
Гаделҗан: Миңа ышан. Табибларга, белгечләргә ышан.
Тетәбикә: Шулай дисеңме...
Гаделҗан: Шулай димен. Искә ал, бу каһәрле ковид дигәннәре күпме кешенең гомерен өзде... Вакцина уйлап табылганга шатланырга кирәк! Кешеләр вакциналангач, пандемия бетәчәк дигән сүз! Күбрәк кеше прививка ясаткан саен коронавирус чигенәчәк. Кешеләрдә авыруга иммунитет булачак, димәк, инфекция йокмаячак. Ә привикадан кайбер кешеләрдә әзрәк температура, җиңелчә авыру билгеләре булып алырга мөмкин инде. Аңа гына түзеп була бит!
Тетәбикә: Әй, матур сөйлисең, карт... Акыллы да инде син, картыкаем!
Гаделҗан: Әлбәттә. Менә безнең категориягә дә ясый башлагач, мин дә ясатам әле ковидтан прививка.
Тетәбикә: Кит инде! Безнең яшьтәме?
Гаделҗан: Менә безнең яшьтәгеләргә кирәк тә инде ул! Чөнки ул ковид дигәннәре өлкәннәрдә авыр үтә, ди. Үлем очраклары да өлкәннәр арасында күп. Шуңа безнең кебекләргә, хроник авырулары булганнарга ул прививка аеруча кирәк!
Тетәбикә: Соң, мин дә ясатыйм микән...
Гаделҗан: Әлбәттә, карчык! Менә икебез дә ясатабыз да, антиковид паспортлы булып, күкрәк киереп йөрибез әле! Бәлки берәр кая ял итәргә дә барырбыз...
Тетәбикә: Хе-хе-хе.... Әй, хыялый...
(Тетәбикәнең телефоны шалтырый).
Тетәбикә: Әлү, улым, әлү! Әү? Кит, аннан! Температурасы 37 диме? Кертмәгәннәр балакаемны? Юк, юк, йөрмә, улым, чыгып! Хәзер, әткәң барып алыр. Пока, улым!
Гаделҗан: Ни булган, карчык?
Тетәбикә: Син оныкны мәктәпкә кертеп куймадыңмыни?
Гаделҗан: Керер минуты җитмәгән иде бит, мәктәп алдында иптәшләре белән уйнап калды. Беләсең бит, һәр сыйныфны аерым вакытта кертәләр хәзер.
Тетәбикә: Әнә, кертмәгәннәр ди шул!
Гаделҗан: Нәрсә булган?
Тетәбикә: Мәктәпкә кергәндә температурасын үлчиләр бит, менә оныкның температурасы 37 булган! Әле мәктәп медпунктында утыра, ди. Дәрескә кертмәгәннәр. Килеп алырга кушып шалтыратканнар малайга! Бар, барып ал инде, прививка ясаткан балакаем тышка чыгып йөрмәсен бүген!
Гаделҗан: Ниткән температура соң ул? Мәктәпкә барганда да ыргып-сикереп, уйнап барды. Бер дә чирлегә охшамаган иде!
Тетәбикә: Әй, белмим шул...
Гаделҗан: Шул артык актив уйнаганнан күтәрелгәндер әле температурасы... Хәзер, барып алам. Киттем, карчык!
(Гаделҗан чыгып китә).
Тетәбикә: Вәт, бер замана килде бит... Мәктәпкә дә кертмиләр... Безнекеләр үскәндә аларның температурасын белгән дә юк иде...
(Шулай сөйләнә-сөйләнә Тетәбикә кереп китә).
Ләйсән Якупова
тыңлап торды.
Фото: rzd-medicine.ru
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27