Барлык яңалыклар
Сәламәтлек саклау
1 февраль 2021, 12:20

Яшәрергә... тоз ярдәм итә!

Ә сез бу хакта белә идегезме?

Ә сез бу хакта белә идегезме?
Бер аш кашыгы тозны бер литр кайнар суга салып болгатыгыз. Битегезгә һәм муеныгызга майлы крем сөртеп, тозлы суда чылатылган сөлгене 10 минутка йөзегезгә ябып торыгыз. Соңыннан битегезне салкын су белән юыгыз. Тоз компресслары матурлыкны кайтарырга ярдәм итә, картайган бит тиресенә яңа сулыш өрә.

Тозны табага салып, 50-70 градуска кадәр кыздырыгыз. Тукымадан тегелгән кечкенә капчыкка кайнар килеш салып, аны муенга, ияк тирәләренә куеп, компрессны 10 минут тотыгыз. Икенче иякне бетерү өчен – менә дигән алым.

Бер кашык диңгез тозын җылы суда эретегез. Эремәне сеңеп беткәнче акрын гына битегезгә ышкыгыз. Мондый процедуралардан бит тиресе шомарып кала.

Битне чистарту өчен тозлы ванна әзерләгез. Бер аш кашыгы диңгез тозын кечкенә киндер капчыкка салыгыз да, астына табак куеп, аңа башта – кайнар, соңыннан салкын су салыгыз. 35-38 градуслы бер литрга якын эремә килеп чыгарга тиеш. Шул тозлы эремәгә 10-15 секундка битегезне тыгып торыгыз, башны күтәреп, тын алыгыз да тагын шулай кабатлагыз. Процедура 10 минут барырга тиеш.
Фото: style40plus.ru

Читайте нас в