Сафроновта - үлем чире

Ришвәт алганы өчен "Битва экстарсенсов"тан да куганнар иде...

ТНВ каналында барган тапшырудагы эшеннән азат ителгән телевидение алып баручысы Сергей Сафронов беренче тапкыр үлемечле авыруы турында сөйләде.
Артист аныклап узганча, ул авыруның симптомнарын берничә ай элек тапкан, әмма бу хакта беркемгә дә сөйләмәгән. Тамашачылар алдында Сафронов һәрчак көчле һәм күңелле кеше булуга карамастан, соңгы вакытта аның куркыныч авыруга каршы көрәшүе ачыкланды.

«Мин тамакта бер чит матдә булуын тойдым. Аннан соң тын кысылу, чамадан артык тирләү барлыкка килде. Болар барысы да куркыныч. Хәзер минем муенымда шрам, фрагментлар алынды», - дип хәбәр итә ул.

Иллюзионист «НТВ»дагы бер программада сөйләвенчә, аның якыннары бу хәбәрдән шок хәлендә калган. "Әти шалтыратты. Ул бик елады», - ди ул.

Сафронов белән эшләгән бер генә экстрасенс та аны сәламәтлек өчен куркынычлар турында кисәтмәгән. Диагнозны авыр симптомнар барлыкка килгәннән соң гына ачыклаганнар. Сергей төгәл диагнозын атамый. Аның турында ул шимбә көнне шоу эфирында сөйләячәк.

Элегрәк шоуда катнашучыларның берсе Алина Вердиш Сафронов экстрасенсларга дөрес җавапларны акчага сатуын әйткән иде. Аның сүзләренә караганда, алып баручы аны проектның финалына 600 мең сумга үткәрергә вәгъдә иткән, әмма сүзендә тормаган. Шуннан соң «ТНТ» җитәкчелеге Сафроновны тамашадан читләштергән.

Фото: instagram.com/safronov_sergey