Кан хезмәте — алдынгы сызыкта

Республика Башлыгы Радий Хәбиров социаль челтәрдәге битендә эчтәлекле пост урнаштырган.

“Яңа коронавирус пандемиясе безнең барлык хезмәтләрдән дә искиткеч күп көч таләп итте. Алдынгы сызыктагы медиклар рәтенә Кан хезмәте хезмәткәрләре дә керде.
Кан күчерү станциясе белән берлектә җайга салынган гамәлләребез аркасында без антиковид плазмасы әзерләүне булдырдык һәм меңнәрчә гомерләрне коткардык.
2020-21 елларда республикада 2718,2 литр антиковид плазмасы әзерләнде. COVID-19 кичергән 4,6 мең кеше аның донорлары булды.
Безнең бу эшне, донорлык үсешен тулаем алганда да, федераль дәрәҗәдә югары бәяләделәр. Вероника Игоревна Скворцова, Федераль медицина-биология агентлыгы җитәкчесе, республика кан күчерү станциясенең илдә лидерлар позициясендә булуын билгеләде.
Ел саен Башкортстанда гемокомпонентларның трансфузиясенең 90 мең процедурасын үткәрәләр. Моның өчен кан күчерү станциясе һәм аның филиаллары 62 мең донор кабул итә, 40 мең литр донор каны әзерли.
Һәм Уфа бүген XIII Бөтенрусия Кан хезмәте форумын юкка гына кабул итми. Ул иң яхшы тәҗрибә белән уртаклашу, тәҗрибә киңәшләрен эшләү мөмкинлеге бирәчәк. Проблемаларын һөнәри тикшерү, ныгытылган бәйләнешләр Русиянең Кан хезмәтенең, сәламәтлек саклауның үсешенә хезмәт итәр дип ышанам”, — дип язган республика җитәкчесе.
Иртәгә - Донор көне. Кан хезмәтенең бәйләнешләрен исегезгә төшерәбез:
https://vk.com/yadonorufa
https://www.instagram.com/ya_donor_ufa/
https://ok.ru/group/54529910636730/
https://www.facebook.com/groups/317705449082114/

Фото: https://vk.com/wall413272232_608624?z=photo413272232_457261159%2Fwall413272232_608624